Jólastarf í verslunum 66° Norður

Vantar þig starf yfir jólin og vilt starfa hjá framsæknu fyrirtæki með sterka arfleifð og skýra framtíðarsýn?

Þá hvetjum við þig til að sækja um starf hjá 66°NORÐUR.

Við leitum að öflugum og jákvæðum einstakling með ríka þjónustulund til starfa í verslunum okkar á höfuðborgarsvæðinu og á Akureyri yfir jólin – með möguleika á áframhaldandi starfi eftir hátíðirnar.

Umsóknarfrestur til og með 10.desember 2025

Hæfniskröfur:

• Jákvætt viðmót og þjónustulund
• Framúrskarandi hæfileikar í mannlegum samskiptum
• Brennandi áhugi á útivist og hreyfingu
• Áhugi á sölumennsku
• Mjög góð enskukunnátta
• Kunnátta í Norðurlandamáli, þýsku, kínversku eða öðrum tungumálum er kostur
• Reynsla af sölustörfum kostur

Æskilegt er að umsækjandi hafi náð 19 ára aldri.

Sjóklæðagerðin hf. er eitt elsta framleiðslufyrirtæki Íslands.

Árið 1926 hóf fyrirtækið framleiðslu á sérstökum hlífðarfatnaði fyrir sjómenn og fiskverkunarfólk á norðurslóðum en seinna bættist við vörulínu fyrirtækisins vinnufatnaður fyrir fólk í landi.

Rætur fyrirtækisins liggja því í framleiðslu sjó- og vinnufatnaðar og er fyrirtækið afar stolt af þeirri arfleifð sinni. Í dag er hönnun og framleiðsla útivistarfatnaðar kjarninn í starfsemi fyrirtækisins sem framleiddur er undir vörumerkinu 66°NORÐUR en fyrirtækið leggur mikið upp úr gæðum vörunnar þar sem eingöngu eru notuð bestu fáanlegu efnin í framleiðsluna.

Allar umsóknir eru meðhöndlaðar sem trúnaðarmál.