Íþróttamannvirki Reykjanesbæjar – Kvenkyns laugarvörður í Íþróttamiðstöð.

Íþróttamannvirki Reykjanesbæjar leita að kvenkyns laugarvörðum en um tvö störf er að ræða. Starfið felur í sér baðvörslu í kvennaklefa íþróttamiðstöðvarinnar, eftirliti með öryggi á sundlaugasvæði og umgengni auk almennra þrifa og annarra tilfallandi verkefna. Umsækjandi þarf að standast hæfnispróf sundstaða.

Vegna eðlis starfsins sem felur í sér reglulega viðveru í kvennabúningsklefa á meðan gestir nýta aðstöðuna er óskað eftir kvenkyns umsækjanda með hliðsjón af friðhelgi og persónuvernd gesta.

Gildi Reykjanesbæjar eru virðing, eldmóður og framsækni og mikilvægt að viðkomandi endurspegli þau gildi í sínum störfum.

Um Íþróttamiðstöð Stapaskóla:

Íþróttamiðstöð Stapaskóla er nýtt og glæsilegt íþróttamannvirki, á skólatíma fer fram íþrótta- og sundkennsla en eftir skóla og um helgar er sundlaugin opin fyrir almenning og íþróttahúsið notað til æfinga og keppni. Í íþróttamiðstöðinni er 25 metra innisundlaug, setlaug inni og úti ásamt tveimur heitum pottum og einum köldum. Saunaklefi og infraklefi er í mannvirkinu. Í íþróttamiðstöðinni er stór og glæsilegur keppnisvöllur sem er notaður eftir skólatíma til æfinga og keppni.

Um Sundmiðstöðina/Vatnaveröld: Vatnaveröld býður upp á stórt og gott útisvæði með sundlaug, rennibraut, heitum og köldum pottum, ásamt gufu og blautgufu. Á innisvæðinu er 50 metra innilaug auk sundlaugar fyrir yngri börn.