Sólheimar 23, húsfélag

Í húsinu eru 63 íbúðir á 13 hæðum. Margir hafa búið lengi í húsinu enda húsið vinsælt til búsetu. Húsið er byggt 1962.

Húsvörður

Starfið er fjölbreytt og áhugavert. Umsækjandi þarf að hafa færni í viðgerðum og almennu viðhaldi, vera með þjónustulund og eiga auðvelt með að umgangast fólk. Húsvörður er umsjónar- og eftirlitsmaður hússins undir stjórn formanns húsfélagsins. Hann sinnir auk þess allmörgum verklegum þáttum sem koma fram í starfslýsingu.

Starfshlutfall er 65%.

Helstu verkefni og ábyrgð

Umsjón með sorpgeymslu og nauðsynleg samskipti við sorphirða.
Umsjón með kerfum fyrir vatn, rafmagn, hita og ljósleiðara.
Umsjón með þvottahúsi og vélbúnaði í því.
Sér um að lýsing og hiti húsnæða séu fullnægjandi og leitast við að ná hagkvæmni í rekstri með réttri orkunotkun í húsinu
Framkvæmir einfaldar viðgerðir og viðhald, og kallar til sérfræðiaðstoð þegar þess er þörf
Annast samskipti við verktaka sem starfa við viðhald í húsinu
Auk annara verkefna sem tilgreind eru í starfslýsingu

Menntunar- og hæfniskröfur

Fagmenntun sem nýtist í starfi
Reynsla af sambærilegum störfum æskileg
Tæknileg þekking er æskileg
Tölvukunnátta skilyrði
Færni í samskiptum, jákvætt viðmót og sveigjanleiki
Frumkvæði, nákvæmni og skipulag í vinnubrögðum

Fríðindi í starfi

Áhugavert og gefandi starf!

Umsóknum fylgi yfirlit yfir nám og fyrri störf ásamt greinargóðum rökstuðningi fyrir hæfni í starfið. Umsóknum er skilað á Alfred.is Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir.

Nánari upplýsingar um starfið veitir Bjarni Jónsson, formaður húsfélagsins, í síma 8968101 eða með tölvupósti á [email protected]

Advertisement published28. August 2025

Application deadline14. September 2025

Language skills