Grundarheimilin

Grundarheimilin saman standa af Grund hjúkrunarheimili, Mörk hjúkrunarheimili og Ás hjúkrunarheimili. Á Grundarheimilunum vinnur stór og samheldinn hópur starfsmanna að því að hlúa að öldruðum af alúð. Markmið Grundarheimilanna er að vera eftirsóttur vinnustaður þar sem vellíðan, virðing og vinátta eru höfð að leiðarljósi í samskiptum og lögð er áhersla á góðan vinnuanda, sjálfstæð vinnubrögð og heimilislegt umhverfi.

About

Hjúkrunar og læknanemar óskast í sumar

Grundarheimilin leita að hjúkrunar- og læknanemum í sumarafleysingar

Grund, Mörk og Ás eru hjúkrunarheimili sem leggja áherslu á einstaklingsmiðaða umönnun, fagmennsku og hlýlegt umhverfi.

Markmið okkar er að tryggja að íbúarnir njóti umönnunar sem byggir á virðingu, umhyggju og öryggi, en jafnframt að skapa vinnustað þar sem starfsfólk getur vaxið faglega.

Við bjóðum hjúkrunar- og læknanemum tækifæri til að taka þátt í þessu mikilvæga starfi með leiðsögn reyndra hjúkrunarfræðinga í þverfaglegu teymi.

Helstu verkefni og ábyrgð

Veita hjúkrunarmeðferð með handleiðslu og stuðningi reyndra hjúkrunarfræðinga.
Skrá nákvæma meðferð og tryggja eftirlit með lyfjagjöfum í samræmi við verklagsreglur.
Sinna einstaklingsmiðaðri umönnun og stuðla að vellíðan íbúa.
Vinna í samvinnu við þverfaglegt teymi og taka þátt í daglegum verkefnum sem tengjast rekstri hjúkrunarheimilis.

Menntunar- og hæfniskröfur

Vera nemi í hjúkrunar- eða læknisfræði og hafa lokið að lágmarki einu ári í námi.
Góð samskiptahæfni og geta unnið í teymi þar sem traust og samvinna eru í fyrirrúmi.
Sjálfstæði, fagmennska og vilji til að axla ábyrgð í starfi.
Áhugi á að þróa færni sína og taka þátt í veitingu framúrskarandi þjónustu.

Á Grundarheimilunum leggjum við áherslu á faglegt og hlýlegt vinnuumhverfi þar sem allir fá tækifæri til að þroskast í starfi.

Við viljum styðja nema við að nýta þá þekkingu sem þau hafa aflað sér og læra af reyndu starfsfólki í þverfaglegu umhverfi.

Við bjóðum upp á sveigjanlegan vinnutíma, fjölbreytt verkefni og öflugt teymisstarf sem gefur þér dýrmæta reynslu í umönnun aldraðra.

Á Grundarheimilunum vinnur stór og samheldinn hópur starfsmanna að því að hlúa að öldruðum af alúð. Vellíðan, virðing og vinátta eru höfð að leiðarljósi í samskiptum og lögð er áhersla á góðan vinnuanda, sjálfstæð vinnubrögð og heimilislegt umhverfi. Unnið er eftir Eden hugmyndafræðinni.

Advertisement published1. February 2026

Application deadline14. February 2026

Language skills