Listahátíð í Reykjavík

Listahátíð í Reykjavík var stofnuð árið 1970 og stendur fyrir alþjóðlegri listahátíð annað hvert ár. Hátíðin er í stöðugri þróun. Aðild að Listahátíð í Reykjavík eiga menningar- og viðskiptaráðuneytið, Reykjavíkurborg og fulltrúaráð sem er skipað helstu lista- og menningarstofnunum.

About

Framkvæmdastjóri

Listahátíð í Reykjavík auglýsir eftir framkvæmdastjóra. Leitað er að einstaklingi með þekkingu á rekstri og stjórnun ásamt þekkingu og áhuga á íslensku menningarlífi.

Framkvæmdastjóri hefur umsjón með fjármálum og rekstri húsnæðis og sinnir meðal annars innlendum og alþjóðlegum samskiptum, samningagerð og starfsmannahaldi.

Framkvæmdastjóri vinnur náið með listrænum stjórnanda hátíðarinnar og er ráðinn til fjögurra ára í senn.

Helstu verkefni og ábyrgð

Daglegur rekstur og stjórnun.
Starfsmannahald.
Fjárhagsáætlanagerð, eftirfylgni og uppgjör.
Samningagerð við listafólk, -stofnanir og styrktaraðila.
Eftirfylgni styrkumsókna og fjáröflun fyrir hátíðina.
Þátttaka í markaðs- og kynningarmálum.

Menntunar- og hæfniskröfur

Háskólamenntun sem nýtist í starfi.
Reynsla af stjórnun og rekstri, þ.m.t. uppgjörum, áætlanagerð og eftirfylgni.
Reynsla af samningagerð.
Reynsla af kynningu menningarviðburða.
Leiðtogahæfileikar og skapandi hugsun við verkstjórn og framkvæmd verkefna.
Góð hæfni í mannlegum samskiptum, metnaður og jákvætt viðmót.
Góð færni í íslensku og ensku í ræðu og riti.
Skipulagshæfni.

Umsóknarfrestur er til og með 12. desember nk.

Sótt er um starfið á www.vinnvinn.is

Umsókn um starfið skal fylgja ítarleg starfsferilsskrá og kynningarbréf á íslensku þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Við hvetjum öll áhugasöm, óháð kyni og uppruna, til að sækja um.

Nánari upplýsingar um starfið veita Auður Bjarnadóttir (audur@vinnvinn.is) og Margrét Stefánsdóttir (margret@vinnvinn.is).

Advertisement published28. November 2024

Application deadline12. December 2024

Language skills