FORSTÖÐUMAÐUR

Kötlusetur, Vík í Mýrdal leitar að aðila í fjölbreytt og spennandi starf forstöðumanns.

Kötlusetur er miðstöð menningar, fræða og ferðamála í Vík. Markmið sjálfseignarstofnunarinnar er að efla menningarlíf í Mýrdalshreppi, auka gæði sveitarfélagsins sem ferðamannastaðar og stuðla að uppbyggingu menningarminja.

Síðustu ár hafa ekki síst beinst að því að nýta nýja krafta og mannauð sem flestra þegna samfélagsins.

Kötlusetur starfar í nánu samstarfi við Mýrdalshrepp, Kötlu UNESCO jarðvang, Samtök sunnlenskra sveitarfélaga og hagsmunaaðila ferðaþjónustunnar.

Kötlusetur rekur gestastofu með sýningum um náttúru og sögu svæðisins ásamt upplýsingamiðstöð ferðamanna.