FERÐASKRIFSTOFA - utanlandsferðir

Undirbúningur, ferðaframleiðsla og viðburðahönnun.
Við leitum eftir áhugasömum einstakling í teymið okkar í stýringu og stjórnun ferða og viðburða erlendis. Hafa yfirumsjón með utanlandsferðum, viðburðaskipulagi og verkefnum erlendis. Ferðaframleiðslu og viðburðastjórnun.

Starfslýsing:
Viðkomandi er í samskiptum og samvinnu við samstarfsaðila okkar erlendis og viðskiptavini okkar á Íslandi. Starfið felst í yfirumsjón með ferðum og viðburðum í Evrópu og víðsvegar um heiminn. Þar með talið að halda utan um hótel- & flug bókanir, samvinnu við leiðsögumenn, samstarf við viðburðaraðila og aðra þjónustuaðila erlendis, ásamt því að halda utan um kostnað, greiðslur og uppgjör í samvinnu við bókhaldsdeild.

Viðkomandi aðili þarf að vera mjög skipulagður og hafa mikla skipulagshæfni og vera góður í samskiptum í persónu sem og í gegnum síma eða pósta.

Starfið er mikil nákvæmnisvinna og því eru góð og öguð vinnubrögð nauðsynleg. Viðkomandi þarf stundum að geta ferðast erlendis, skoðað áfangastaði og einnig haft yfirumsjón með hóp á áfangastað erlendis.

Þetta er spennandi starf hjá líflegri og skemmtilegri viðburðaferðaskrifstofu. Starfið er mjög fjölbreytt, enginn dagur, engin ferð og enginn viðskiptavinur eins.

Ferðaland:
Ferðaland samanstendur af tveimur vörumerkjum í ferðaþjónustunni, Kompaní ferðum og Indígó ferðum. Hjá Kompaní ferðum sérhæfum við okkur í viðburða og árshátíðarferðum fyrirtækja erlendis og hjá Indígó ferðum sérhæfum við okkur í námsferðum, útskriftarferðum og sérsniðnum hópaferðum.