Húsasmiðjan

Húsasmiðjan er meðal stærstu verslunarfyrirtækja landsins og hluti af Bygma Gruppen A/S. Bygma rekur fjölmargar byggingavöruverslanir í Danmörku, Svíþjóð, Færeyjum og á Grænlandi. Ásamt því rekur fyrirtækið nokkur heildsölufyrirtæki á byggingavörumarkaði í Danmörku. Húsasmiðjuverslanir eru 16 talsins og eru Blómavalsútibú í sjö þeirra. Jafnframt er rafiðnaðarverslunin Ískraft með fjögur útibú. Hjá Húsasmiðjunni starfa um 500 starfsmenn vítt og breytt um landið sem hafa margskonar bakgrunn eins og pípari, blómaskreytir, bókari, smiður, viðskiptafræði, grafískur hönnuður, múrari og fleira og fleira. Húsasmiðjan býður upp á lifandi starfsumhverfi og frábæran starfsanda. Við leggjum mikla áherslu á símenntun og fræðslu og að starfsmenn fái tækifæri til þess að eflast og þróast í starfi.

About

Egilsstaðir: Deildarstjóri verkfæra og festinga

Hefur þú góða þekkingu á verkfærum og festingum og langar að nýta hana í ráðgjöf og sölu?Hjá Húsasmiðjunni færðu tækifæri til að vinna með fagfólki, veita ráðgjöf og hjálpa bæði einstaklingum og fagfólki að velja réttu verkfærin og lausnirnar fyrir verkefnin sín.

Við leitum að öflugum liðsmanni til að leiða verkfæra- og festingadeild Húsasmiðjunnar á Egilsstöðum. Starfið hentar sérstaklega vel þeim sem hefur reynslu úr byggingariðnaði eða af sölu og notkun verkfæra og vill nýta fagþekkingu sína í fjölbreyttu starfi.Iðnmenntun eða reynsla af verkfærum og festingum er mikill kostur. Við leitum að einstaklingi sem hefur áhuga á að miðla þekkingu sinni, sýnir frumkvæði og hefur metnað fyrir góðri þjónustu og rekstri deildarinnar.

Helstu verkefni og ábyrgð

Fagleg ráðgjöf um verkfæri, festingar og tengdar vörur.
Sala og þjónusta við einstaklinga og fagfólk.
Uppbygging og viðhald viðskiptasambanda við iðnaðarmenn og fyrirtæki.
Dagleg umsjón með verkfæra- og festingadeild.
Pantanir og birgðastýring.
Framsetning vara og útstillingar.
Önnur tilfallandi verkefni.

Menntunar- og hæfniskröfur

Góð þekking á verkfærum, festingum og notkun þeirra.
Iðnmenntun eða reynsla úr byggingariðnaði eða af sölu verkfæra og festinga er mikill kostur.
Metnaður fyrir því að veita faglega ráðgjöf og framúrskarandi þjónustu.
Góð samskiptafærni og hæfni til að byggja upp traust við viðskiptavini og samstarfsfólk.
Sjálfstæð og skipulögð vinnubrögð.
Frumkvæði, ábyrgð og áhugi á að ná árangri í starfi.
Áhugi á sölu og þjónustu.
Góð íslenskukunnátta er skilyrði.

Fríðindi í starfi

Heilsuefling, s.s. heilsufarsskoðun, bólusetning, aðgangur að sálfræðiþjónustu, heilsueflandi fræðsla.
Aðgangur að orlofshúsum.
Ýmsir styrkir, s.s. íþróttastyrkur, samgöngustyrkur og fræðslustyrkur.
Afsláttarkjör í verslunum okkar.

Nánari upplýsingar um starfið gefur Þórarinn Hróar, rekstrarstjóri á [email protected]

Starfsmaður í fullu starfi vinnur 09:00-18:00 á virkum dögum og annan hvern laugardag.10:00-14:00
Við hvetjum öll áhugasöm til að sækja um starfið sem fyrst, óháð kyni.Húsasmiðjan er líflegur vinnustaður með góðan starfsanda og sterka liðsheild. Húsasmiðjan leggur áherslu á að nýta til hins ýtrasta hæfni, frumkvæði og þekkingu samhents hóps rúmlega 500 starfsmanna sem starfa hjá fyrirtækinu. Lögð er rík áhersla á símenntun og fræðslu og að starfsmenn eigi þess kost að eflast og þróast í starfi.

Gildin okkar eru: Gleði - Fagmennska - Kraftur

Nánar um vinnustaðinn: https://www.husa.is/

Advertisement published29. October 2026

Application deadline12. November 2026

Language skills