Bílstjóri á bílaflutningabíl – Keflavík/Ásbrú
Höldur - Bílaleiga Akureyrar leitar að bílstjóra með meirapróf (C réttindi) til starfa við akstur bílaflutningabíls. Starfið felst í flutningi á bílaleigubílum í eigu fyrirtækisins, aðallega milli starfsstöðva á suðvesturhorninu, en eftir aðstæðum einnig út á land. Starfsstöð bílstjóra verður í Ásbrú. Um er að ræða nýtt starf sem starfsmaður tekur þátt í að móta.
Viðmiðunarvinnutími er 9-17 virka daga.
- Flutningur á bílaleigubílum
- Ýmis verkefni í samstarfi við starfsfólk flotasviðs
- Fjölbreytt tilfallandi verkefni
- Meirapróf / C réttindi
- Ábyrg og örugg aksturshegðun
- Sjálfstæði vinnubrögð
- Góð samskiptahæfni
- Gott vald á ensku
- Reynsla af sambærilegum störfum er kostur en ekki skilyrði
Höldur ehf. var stofnað árið 1974, en upphaf Bílaleigu Akureyrar má rekja aftur til ársins 1966. Bílafloti leigunnar er bæði stór og fjölbreyttur og hefur fyrirtækið verið einn umsvifamesti kaupandi nýrra bíla á Íslandi undanfarin ár og hefur verið leiðandi í kaupum á umhverfisvænum bílum.
Fjöldi útleigustöðva gerir viðskiptavinum okkar hægt um vik að leigja bíl á einum stað og skila á öðrum. Góð þjónusta og sveigjanleiki er okkar aðalsmerki. Bílaleiga Akureyrar er umboðsaðili Europcar bílaleigukeðjunnar á Íslandi.
Á Akureyri rekur fyrirtækið alhliða bílaþjónustu. Má þar nefna dekkjaverkstæði ásamt bílaþvottastöð, bílasölu með nýja og notaða bíla, ásamt glæsilegu bíla- og tjónaviðgerðaverkstæði. Höldur er sölu- og þjónustuaðili á Norðurlandi fyrir bílaumboðin Heklu og Öskju.
English
