Aðstoðarmaður Iðjuþjálfa - Sóltún Heilsusetur

Sóltún Heilsusetur á Sólvangi í Hafnarfirði leitar eftir aðstoðarmanni Iðjuþjálfa í 80%-100% dagvinnu á 39 rýma endurhæfingardeild fyrir aldraða. Um er að ræða deild, þar sem fólk dvelur í 4-6 vikur í senn með það að markmiði að efla virkni í daglegu lífi og efla þannig getu þeirra til sjálfstæðrar búsetu á eigin heimili.

Við leitum að aðstoðarmanni Iðjuþjálfa með jákvætt viðmót og faglegan metnað, sem hefur áhuga á þátttöku í faglegri framþróun. Viðkomandi þarf að geta unnið sjálfstætt og í teymi. Skilyrði er að viðkomandi hafi góða íslenskukunnáttu og hreint sakavottorð.

Vinnufyrirkomulag er samkomulagsatriði. Kostur er ef viðkomandi getur hafið störf sem fyrst. Viðkomandi kemur til með að vinna undir leiðsögn Iðjuþjálfa og deildarstjóra. Mikilvægt er að viðkomandi tileinki sér hugmyndafræði iðjuþjálfunar og skilji nauðsyn iðju í lífi sérhvers þjónustuþega.