Hótel Cabin opnaði í maí 1997 og fyrstu árin voru eingöngu í boði lítil standard herbergi. Árið 2007 var hótelið endurbætt og þá var byggt við það bygging sem núna hýsir deluxe herbergin. Við stækkunina fjölgaði herbergjum úr 152 í 252, þá urðu standard herbergin 174, deluxe herbergin 64 og superior herbergin urðu 14. Þá var þakið hækkað og er fundarsalurinn á 7. hæð ásamt öllum superior herbergjunum. Nýlega voru gerð nokkur fjölskylduherbergi með því að sameina tvö og tvö standard herbergi og því eru herbergi hótelsins núna 249 talsins. Veitingastaðurinn á 1. hæð hefur verið til staðar frá upphafi en í mismunandi útfærslum þó. Árið 2003 var salatbarinn opnaður í núverandi mynd og hefur hann haldist nokkuð óbreyttur frá upphafi enda verið mjög vinsæll jafnt á meðal hádegisgesta sem og erlendra ferðamanna sem koma meira á kvöldin. Það er stefna okkar að bjóða góða gistingu á hagkvæmu verði. Standard herbergin eru lítil en búin öllum helstu þægindum. Þau henta vel fyrir þá sem vilja greiða minna fyrir minni herbergi. Fyrir þá sem vilja aukin þægindi og stærri herbergi höfum við deluxe herbergin. Superior herbergin eru svo öll á 7 hæð og nýtast vel fyrir þá sem vilja borga aukalega fyrir frábært útsýni. Við leggjum okkur fram um að veita gestum okkar góða þjónustu og að hafa aðbúnaðinn á hótelinu góðan.