Aðstoðarleikskólastjóri í Heilsuleikskólann Fífusali
Leikskólinn Fífusalir óskar eftir aðstoðarleikskólastjóra
Heilsuleikskólinn Fífusalir starfar eftir Heilsustefnu Unnar Stefánsdóttur. Mikið er lagt upp úr hreyfingu og listsköpun innan leikskólans. Unnið er eftir lýðræðislegum kennsluaðferðum og uppgötvunarnámi. Í leikskólanum stunda 106 börn nám og lagt er upp með að allir fái verkefni við hæfi.
Við leitum að öflugum og metnaðarfullum aðstoðarskólastjóra til að ganga til liðs við okkar góða hóp. Aðstoðarleikskólastjóri er staðgengill leikskólastjóra, er leiðandi aðili í skipulagi faglegs starfs innan leikskólans og tekur virkan þátt í daglegri stjórnun ásamt virku samstarfi við foreldra.
Einkunnarorð Fífusala eru virðing - uppgötvun - samvinna
Nánari upplýsingar um Fífusali er hægt að finna á http://fifusalir.kopavogur.is/
- Er aðstoðarmaður leikskólastjóra og ber ásamt honum ábyrgð á rekstri skólans
- Er staðgengill í fjarveru leikskólastjóra og starfar þá samkvæmt starfslýsingu hans
- Vinnur ásamt leikskólastjóra að daglegri stjórnun leikskólans og skipulagningu skólastarfsins
- Ber ásamt leikskólastjóra ábyrgð á að unnið sé eftir aðalnámskrá leikskóla og skólanámskrá leikskólans, að áætlanir þar um séu gerðar og reglulegt mat fari fram
- Sér um samskipti og samvinnu við foreldra í samráði við leikskólastjóra
- Sinnir að öðru leyti þeim verkefnum er varðar stjórnun leikskólans sem yfirmaður felur honum
- Leikskólakennaramenntun og leyfisbréf kennara
- Framhaldsnám í stjórnun eða sambærileg menntun sem nýtist í starfi æskileg
- Reynsla af starfi og stjórnun leikskóla
- Sjálfstæð vinnubrögð og lausnamiðuð nálgun
- Frumkvæði, forystuhæfileikar og góð færni í mannlegum samskiptum
- Gott vald á íslenskri tungu
- Góð tölvukunnátta
Frítt fæði
Starfsfólk Kópavogsbæjar fær frían aðgang að sundlaugum bæjarins
Styttri vinnuvika - stytting að hluta til notuð í páskafrí, tvö vetrarfrí og jólafrí
Icelandic
