Aðstoðarforstöðumaður frístundaheimilis
Laus er til umsóknar staða aðstoðarforstöðumanns frístundaheimilisins Úlfabyggðar í Dalskóla.
Dalskóli óskar eftir að ráða metnaðarfullan og áhugasaman einstakling í starf aðstoðarforstöðumanns frístundaheimilisins Úlfabyggðar sem er staðsett inni í skólanum. Dalskóli er samrekinn grunnskóli og frístundaheimili og er staðsettur í Úlfarsárdalnum.
Tilgangur starfsins er að stuðla að auknum félagsþroska barna á aldrinum 6-9 ára með áherslu á aukið sjálfstæði, ábyrgð og virkni þeirra í starfi ásamt mikilvægi heilbrigðs lífsstíls. Bjóða skal upp á fjölbreytt viðfangsefni sem höfða til ólíkra barna með mismunandi áhugasvið og tryggja þeim öruggar aðstæður þannig að þeim líði vel í frístundaheimilinu.
- Umsjón með dagslegum störfum starfsmanna og stýrir verkaskiptinu á milli þeirra í samráði við forstöðumann frístundaheimilisins.
- Er leiðbeinandi og veitir starfsmönnum leiðsögn og/eða tilsögn í framkvæmd vinnunnar.
- Stuðlar að jákvæðum og lýðræðislegum starfsháttum meðal starfsmanna og barna á frístundaheimilinu.
- Sér um skipulagningu, undirbúning og framkvæmd starfsins í samráði við forstöðumann, samstarfsfólk og þátttakendur í starfinu.
- Sér um að viðfangsefni á frístundaheimilinu stuðli að þroska barna og séu fjölbreytt, aldursviðeigandi og höfði til barna.
- Aðstoðar við að stýra starfsmannafundum á frístundaheimilinu.
- Tekur fullan þátt í starfi með börnum og starfsfólki á starfstíma frístundaheimilisins.
- Háskólapróf á sviði uppeldismenntunar, s.s. tómstunda- og félagsmálafræði eða sambærileg menntun.
- Meistarapróf á sviði uppeldismenntunar eða stjórnunar eða mikil starfs- og stjórnunarreynsla á viðkomandi sérfræðisviði.
- Reynsla af starfi með börnum.
- Reynsla af félags- og tómstundastarfi.
- Reynsla af samstarfi við grunnskóla og leikskóla er kostur.
- Skipulagshæfileikar og hæfni í samskiptum.
- Frumkvæði, sjálfstæði og fagleg vinnubrögð.
- Fjölbreytt áhugasvið sem nýtist í starfi á frístundaheimili.
- Almenn tölvukunnátta.
- Íslenskukunnátta á stigi B2 samkvæmt evrópska tungumálarammanum.
Reykjavíkurkort
Heilsuhlunnindi
Icelandic
