Sjúkrahúsið á Akureyri

Sjúkrahúsið á Akureyri er lifandi og metnaðarfullur vinnustaður þar sem um 800 manns starfa saman í þverfaglegum teymum og samstarfi ólíkra fagstétta. Sjúkrahúsið gegnir lykilhlutverki í bráðaþjónustu og sérhæfðum meðferðum og er miðstöð læknisfræðilegrar þjónustu sjúkraflugs á Íslandi. Á sjúkrahúsinu er veitt framúrskarandi heilbrigðisþjónustu með áherslu á fagmennsku, umhyggju og samvinnu. Dýrmæt tækifæri til að vinna í sérhæfðu og fjölbreyttu starfsumhverfi og þróa faglega hæfni þar sem áhersla er lögð á lærdóm, fagmennsku og mannlega nálgun. Komdu í lið með okkur og taktu þátt í að gera Sjúkrahúsið á Akureyri enn betra! Við tökum vel á móti nýju starfsfólki.

About

Aðalbókari á skrifstofu fjármála við Sjúkrahúsið á Akureyri

Sjúkrahúsið á Akureyri auglýsir starf aðalbókara á skrifstofu fjármála. Um er að ræða 100% stöðu og er staðan laus nú þegar eða eftir nánara samkomulagi.

Næsti yfirmaður er Rannveig Jóhannsdóttir fjármálastjóri.

Helstu verkefni og ábyrgð

Yfirumsjón með öllu bókhaldi, eignakerfi, afstemmingum og annarri bókhaldsvinnu
Umsjón og yfirferð bókhalds og ábyrgð á frágangi bókhalds
Umsjón og eftirlit með afstemmingum ásamt annarri úrvinnslu úr fjárhagsbókhaldi
Ábyrgð á skipulagi bókhalds og að verkferlar séu í samræmi við lög og viðurkenndar reikningsskilareglur
Uppgjör og frágangur bókhalds i samvinnu við fjármálastjóra
Þátttaka í áætlunargerð og innra eftirliti
Skráning og utanumhald á eignakerfi
Flutningi gagna í fjárhagskerfi úr öðrum kerfum
Umsjón með ferðauppgjörskerfi
Ráðgjöf og stuðningur við notendur fjárhagskerfis

Menntunar- og hæfniskröfur

Menntun sem nýtist í starfi t.d. viðurkennt bókaranám eða sambærilegt nám sem nýtist í starfi
Þekking og reynsla af færslu bókhalds hjá ríki eða sveitarfélagi er kostur
Þekking og reynsla af endurskoðun er kostur
Þekking á bókhaldskerfum Orra og/eða Navision er kostur
Góð þekking á Office 365 og PowerBI er kostur
Þekking og reynsla af opinberri stjórnsýslu er kostur
Góð þekking og reynsla við hagnýtingu EXCEL
Faglegur metnaður í starfi, lausnamiðað og árangursmiðað viðhorf
Frumkvæði, skipulagshæfileikar og markviss vinnubrögð
Hæfni í mannlegum samskiptum og miðlun upplýsinga
Góð íslenskukunnátta er skilyrði
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.

Advertisement published27. February 2026

Application deadline6. March 2026

Language skills