Heilsugæsla Höfuðborgarsvæðisins

Við rekum fimmtán heilsugæslustöðvar í Reykjavík, Seltjarnarnesi, Mosfellsumdæmi, Kópavogi, Garðabæ og Hafnarfirði, þar sem við veitum samræmda þjónustu. Einnig sjáum við um sérþjónustustöðvarnar: Heimahjúkrun í Hafnarfirði, Garðabæ, Kópavogi og Mosfellsumdæmi, Geðheilsumiðstöð barna, Göngudeild sóttvarna, Geðheilsuteymi HH austur, Geðheilsuteymi HH vestur, Geðheilsuteymi HH suður, Geðheilsuteymi Taugaþroskaraskanna, Geðheilsuteymi fangelsa, Geðheilsuteymi ADHD fullorðinna, Samhæfingastöð krabbameinsskimanna, Upplýsingamiðstöð, Þróunarmiðstöð íslenskrar heilsugæslu auk stoðþjónustu á skrifstofu. Heilsuvera er samstarfsverkefni okkar og Embættis landlæknis. Þar er hægt að hafa samskipti við starfsfólk heilsugæslustöðvanna og fræðast um heilsu og áhrifaþætti hennar. Heilsugæsla höfuðborgarsvæðisins hefur á að skipa sérhæfðu og metnaðarfullu starfsfólki sem vinnur í hvetjandi og áhugaverðu starfsumhverfi þar sem frumkvæði og sjálfstæði þeirra fær að njóta sín. Starfsfólk heilsugæslunnar vinnur að því að veita íbúum höfuðborgarsvæðisins aðgengilega, samfellda og alhliða heilsugæsluþjónustu. Þjónustan byggir á sérþekkingu og víðtæku þverfaglegu samstarfi.

About

5. árs læknanemi - Sumarstarf HH

Heilsugæsla höfuðborgarsvæðisins leggur metnað sinn í að veita 5. árs læknanemum tækifæri á sumarstarfi hjá stofnuninni. Starfað er með sérhæfðu og metnaðarfullu starfsfólki í hvetjandi og áhugaverðu starfsumhverfi heilsugæslustöðvanna. Um er að ræða störf á heilsugæslunni Árbæ, Firði, Hamraborg, Hlíðum, Miðbæ, Mosfellsumdæmi og Sólvangi

Ef þú ert læknanemi á fimmta ári að leita að skemmtilegu og krefjandi sumarstarfi viljum við hjá Heilsugæslu höfuðborgarsvæðisins fá þig til starfa. Þú færð góða reynslu af fjölbreyttum og spennandi verkefnum hjá okkur, til dæmis almennum lækningum, heilsuvernd og vaktþjónustu. Þú færð líka að verðmæta reynslu af því að vinna sem hluti af frábærum þverfaglegum hópi á góðum vinnustað. Ef þetta hljómar vel viljum við endilega heyra í þér sem fyrst.

Helstu verkefni og ábyrgð

Starfssvið fimmta árs læknanema er víðtækt og felst m.a. í almennum lækningum, heilsuvernd og vaktþjónustu.

Menntunar- og hæfniskröfur

A.m.k. 5 ára nám í læknisfræði
Skipulagshæfni, sjálfstæði í starfi og öguð vinnubrögð
Góð hæfni í mannlegum samskiptum
Áreiðanleiki, faglegur metnaður, jákvæðni og sveigjanleiki
Gott vald á íslensku og ensku

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu.