Gervigreind fyrir bókara – hagnýt vinnustofa

Þessi hagnýta vinnustofa er sérstaklega hönnuð fyrir bókara, starfsfólk bókhaldsstofa og fjármálafólk sem vill nýta gervigreind af öryggi og fagmennsku í daglegum störfum.

Þú lærir að nota gervigreind til að vinna hraðar, einfalda endurtekin verkefni og útbúa skýrari og vandaðri gögn – án þess að missa yfirsýn eða faglega ábyrgð.

Eftir vinnustofuna getur þú meðal annars:

• skrifað skýr fyrirmæli sem skila nákvæmum og nýtanlegum niðurstöðum
• yfirfarið reikninga og merkt atriði sem þarf að skoða nánar
• flýtt afstemmingum og undirbúningi mánaðarloka
• greint rekstrarfrávik og útbúið skýr drög að skýrslum
• búið til endurnýtanlegt verklag fyrir verkefni sem koma aftur og aftur
• nýtt íslenska bókhaldsþekkingu með Greind Þekkingartengingu
• unnið með viðkvæm gögn á öruggari og ábyrgari hátt

Vinnustofan fer fram tvo morgna, kl. 9:00–12:00, í Hygge í Borgartúni. Aðeins sex þátttakendur eru í hverjum hópi svo allir fái persónulega leiðsögn og tíma til að vinna raunveruleg verkefni.

Innifalið í verði:

• yfir 100 tilbúin fyrirmæli, verklag og sniðmát
• námskeiðsgögn og æfingar
• aðgangur að Greind Þekkingartengingu í sex mánuði
• morgunmatur, kaffi og meðlæti

Þátttakendur þurfa að hafa með sér fartölvu og áskrift að Claude eða ChatGPT. Engin sérstök tæknikunnátta er nauðsynleg.

Verð: 69.990 kr. með VSK.

Mörg stéttarfélög endurgreiða hluta námskeiðsgjaldsins.

Takmarkaður fjöldi – aðeins sex sæti á hverri vinnustofu.