Lánastjóri

Við leitum að öflugum og reynslumiklum aðila í starf lánastjóra í deild sérhæfðra lánveitinga og sölu lána á fyrirtækja- og fjárfestingarbankasviði. Hlutverk sviðsins er að bjóða alhliða fjármálaþjónustu til fyrirtækja, stofnana og sveitarfélaga auk stýringar á fjármögnunarverkefnum.

Sérhæfðar lánveitingar og sala lána sinnir fjármögnun flóknari fjárfestingaverkefna viðskiptavina bankans ásamt því að sinna sölu og miðlun á lánaafurðum sviðsins til samstarfsaðila bankans. Í deildinni starfar öflugur hópur sérfræðinga með mikla þekkingu og reynslu. Verkefni deildarinnar eru umfangsmikil, oft þvert á teymi og svið, og krefjast framúrskarandi samskiptahæfileika.