Félagsráðgjafi í Austurmiðstöð
Austurmiðstöð auglýsir lausa stöðu félagsráðgjafa í deild virkni og ráðgjafar. Um er að ræða fastráðningu í 100% starfshlutfalli.
Við leitum að metnaðarfullum og öflugum einstaklingi í starf félagsráðgjafa á Austurmiðstöð. Félagsráðgjafi mun einna helst sinna félagslegri ráðgjöf, virknimálum og taka á móti einstaklingum sem hafa fengið stöðu flóttafólks og öðrum verkefnum sem snúa að þjónustu við borgarbúa.
Starf félagsráðgjafa er bæði fjölbreytt og krefjandi, þar sem reynir á margvíslega eiginleika svo sem menningarnæmni og áfallamiðaða nálgun, lausnamiðaða hugsun og jákvæðni.
Austurmiðstöð er framsækinn vinnustaður sem býður upp á spennandi tækifæri til að taka þátt í uppbyggingu á þjónustu í hverfi borgarinnar og þverfaglegu samstarfi í hverfi og milli hverfa. Í boði er vinna með metnaðarfullum hópi annarra fagmanna.
Reykjavíkurborg er vinnustaður sem hefur innleitt styttri vinnuviku. Þá bjóðast starfsfólki ýmis fríðindi svo sem sundkort, menningarkort, heilsuræktarstyrkur og samgöngusamningur.
- Félagsleg ráðgjöf
- Einstaklingsvinna
- Þverfaglegt starf á Austurmiðstöð
- Samvinna við samstarfsaðila
- Starfsréttindi í félagsráðgjöf.
- Þekking og reynsla af starfi félagsráðgjafar
- Þekking og reynsla af sviði velferðarþjónustu kostur.
- Framúrskarandi hæfni í mannlegum samskiptum, þekking á áfallamiðaðri nálgun er kostur.
- Metnaður, frumkvæði, skipulagshæfni og sjálfstæði í starfi.
- Íslenskukunnátta C1-C2 (samkvæmt samevrópskum tungumálaramma).
- Góð enskukunnátta og/eða önnur tungumál er kostur.
- Hreint sakavottorð í samræmi við lög sem og reglur Reykjavíkurborgar.
