Tækni- og þjónustudeild HHÍ auglýsir sumar-/framtíðarstarf
Leitað er að hressum, jákvæðum og umfram allt einstaklega laghentum aðila í tækni- og þjónustudeild HHÍ. Starfið er fjölbreytt og þarf viðkomandi að geta tileinkað sér mismunandi tækni og aðferðir sem henta hverju sinni. Einnig þarf viðkomandi að eiga í miklum samskiptum við rekstrarstaði HHÍ og leysa úr hinum ýmsu málum sem upp koma með útsjónarsemi og jákvæðni að leiðarljósi.
Þjónustudeild HHÍ sér um viðhald á tækjabúnaði HHÍ s.s. sjálfsölum og spilakössum. Einnig koma upp hin ýmsu tilfallandi verkefni sem þarf að leysa.
Verkstæði og þjónustudeild HHÍ er staðsett á Dvergshöfða 2 ásamt skrifstofu HHÍ. Þjónustusvæði HHÍ nær frá Höfuðborgarsvæðinu, til Suðurnesja og Akureyrar. 95% af verkefnum þjónustudeildar eru á Höfuðborgarsvæðinu sjálfu.
Ef þú telur þig búa yfir þeim kostum sem leitað er að þá viljum við heyra frá þér.
Góð tæknikunnátta og færni til að sinna fjölbreyttum verkefnum.