Sérfræðingur í veflausnum

TACTICA Fjarðargata 15A, 220 Hafnarfjörður


Lýsing á starfinu:


Vegna aukinna verkefna leitum við nú að sérfræðingi í veflausnum og rekstri vefhýsinga.

Helstu verkefni eru að þjónusta viðskiptavini og samstarfsaðila ásamt því að taka þátt í almennum rekstri hýsingarumhverfis TACTICA sem rekið er undir nafninu Hýsingar.is og er einn af stærri aðilum á hýsingarmarkaðnum í dag.

TACTICA sinnir ekki vefsíðugerð en vinnur náið með vefstofum ýmist í þjónustu, ráðgjöf eða almennri aðstoð.

Mikil áhersla er lögð á hæfni viðkomandi til þess að vinna með samstarfsaðilum og viðskiptavinum og tryggja að öllum verkefnum sé skilað á farsælan og faglegan hátt.

Viðkomandi þarf að hafa góðan heildarskilning á þeim kerfum sem unnið er í og því nauðsynlegt að hafa bakgrunn í upplýsingatækni og grunnskilning á vefforritun ásamt mjög góðum skilningi á Wordpress.


Framkoma og samskiptahæfni eru lykilatriði í þessu starfi.


Helstu verkefni og ábyrgð:

  • Samskipti og ráðgjöf við viðskiptavini og samstarfsaðila
  • Greining vandamála sem geta komið upp á vefsvæðum notenda
  • Aðstoð og vinna með samstarfsaðilum TACTICA
  • Samskipti við þjónustuaðila og birgja
  • Uppsetning og umsýsla á sýndarþjónum viðskiptavina

 

Menntunar- og hæfniskröfur

  • Menntun eða reynsla sem nýtist starfi.
  • Reynsla af hugbúnaðar / vefstörfum er mikill kostur.
  • Mjög góð tölvukunnátta og skilningur á upplýsingatækni skilyrði
  • Kerfi sem æskilegt er að viðkomandi hafi reynslu af: WHM/Cpanel, DNS, WordPress, Linux og Windows server
  • Mjög gott vald á íslensku og ensku, færni til að tjá sig í ræðu og riti
  • Góð skipulagshæfni, frumkvæði og sjálfstæði í vinnubrögðum er nauðsynleg


TACTICA er vaxandi fyrirtæki sem var stofnað árið 2012 og sérhæfir sig í heildarlausnum upplýsingatæknimála fyrir minni og meðalstór fyrirtæki ásamt því að reka eitt stærsta hýsingarfyrirtæki landsins Hýsingar.is

Einnig erum við leiðandi á sviði vöruumsýslu og samþættingarlausna.

Umsækjendur eru beðnir um að láta ferilskrár og kynningarbréf fylgja með. Farið verður með allar umsóknir sem trúnaðarmál og öllum umsækjendum verður svarað.

Auglýsing stofnuð:

03.04.2019

Staðsetning:

Fjarðargata 15A, 220 Hafnarfjörður

Starfstegund:

Fullt starf


Starfsgreinar
Upplýsingatækni

Starfsmerkingar
Deila starfi Senda póst Messenger

Vertu í sambandi