Stuðningsfulltrúi í Snælandsskóla og frístund

Snælandsskóli er heildstæður um 450 nemenda grunnskóli staðsettur í Fossvogsdal. Skólinn byggir á langri hefð fyrir framsæknu og árangursríku skólastarfi þar sem áhersla hefur verið lögð á þátttöku í margs konar þróunar- og nýbreytniverkefnum. Skólinn hefur lagt áherslu á umhverfismál og er löng hefð fyrir Grænfána. Skólinn styðst við Olweusaráætlunina gegn einelti og er Réttindaskóli Unicef.

Einkunnarorð skólans eru: Viska – virðing – víðsýni – vinsemd.

Starfssvið og helstu verkefni

Við leitum eftir hressum og öflugum stuðningsfulltrúa þar sem helstu verkefni eru að:

• aðstoða nemendur við daglegar athafnir og virka þátttöku í bekkjarstarfi. Stuðningur við nemendur í félagslegum samskiptum innan og utan kennslustofu
• aðstoða nemendur við að ná settum markmiðum samkvæmt námskrá og námsáætlunum undir leiðsögn kennara
• fylgja einum eða fleiri nemendum eftir á ferðum þeirra um skólann, í frímínútum og vettvangsferðum
• aðstoða nemendur í matsal eftir þörfum
• vinna með nemendum í frístundastarfi eftir hádegi á frístundaheimili skólans
• vinna að undirbúningi skólastarfs fyrir skólasetningu og á starfsdögum kennara undir verkstjórn kennara eða skólastjórnenda.

Menntunar- og hæfniskröfur

• Reynsla af starfi með börnum og unglingum er æskileg.
• Þolinmæði og framúrskarandi hæfni í samskiptum.
• Viðkomandi þarf að vera skipulagður, sýna sjálfstæði og frumkvæði í starfi.
• Stundvísi og áreiðanleiki er skilyrði.
• Umsækjandi þarf að vera tilbúinn að vinna eftir stefnu skólans.
• Góð íslenskukunnátta

Ráðningartími og starfshlutfall

Um 100% stöðu er að ræða í afleysingar út skólaárið.

Ráðið er í stöðuna út skólaárið með möguleika á framlengingu, viðkomandi þarf að geta hafið störf sem fyrst.

Aðrar upplýsingar

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Bent er á að samkvæmt lögum verða umsækjendur að skila inn sakavottorði.

Tekið verður mið af jafnréttisstefnu Kópavogsbæjar við ráðningu í starfið.

Nánari upplýsingar um starfið veitir Brynjar M. Ólafsson skólastjóri í síma 860-3526 eða netfangið [email protected].

Eingöngu er tekið á móti starfsumsóknum í gegnum alfred.is.