Stuðningsfulltrúi í Grundaskóla

Grundaskóli er heildstæður grunnskóli með um 700 nemendur og 110 starfsmenn. Í skólanum er metnaðarfullt skólastarf, gott starfsumhverfi og góð samvinna starfsfólks, nemenda, foreldra og annarra samstarfsaðila skólans. Í Grundaskóla eru gerðar kröfur til nemenda og starfsfólks um dugnað, reglusemi, góða umgengni, góða ástundun og gagnkvæma virðingu.

Auglýst er eftir stuðningsfulltrúa í 50-70% starf

Við leitum að einstaklingi með góða samskiptahæfni og áhuga á börnum. Einstaklingi sem hefur trú á nemendum, áhuga á menntun þeirra og velferð og er tilbúinn að taka þátt í því að móta metnaðarfullt skólastarf.

Helstu verkefni og ábyrgð

vera jákvæð fyrirmynd í samskiptum, framkomu og vinnubrögðum
aðstoða nemendur við að skipuleggja vinnu sína og efla sjálfstæði þeirra
styrkja jákvæða hegðun nemenda
aðstoða nemendur við athafnir daglegs lífs ef þörf er á
styðja nemendur í félagslegum samskiptum
fylgja og aðstoða nemendur í vettvangsferðum
sinna gæslu úti og inni
Vinna í nánu samstarfi við kennara og aðra starfsmenn skólans

Menntunar- og hæfniskröfur

Stuðningsfulltrúi þarf að hafa hæfni til að setja sig inn í aðstæður einstakra nemanda og vera fær um að sinna ólíkum þörfum þeirra. Mikilvægt er til dæmis að þekkja til þeirra bjarga sem standa fötluðum nemendum til boða, geta aðstoðað við kennslu í bóklegum og verklegum greinum og hjálpað nemendum með námserfiðleika.
Stuðningsfulltrúar gegna mikilvægu hlutverki sem fyrirmyndir og þurfa að geta lesið í aðstæður og brugðist við með viðeigandi hætti. Í starfi stuðningsfulltrúa er einum nemanda ýmist fylgt eftir eða farið á milli bekkja og fleirum sinnt.
Stuðningsfulltrúi þarf að geta hjálpað börnum í leik og starfi, leiðbeint þeim um góða umgengni. Stuðningsfulltrúar eru í mikilvægu hlutverki sem fyrirmyndir barna, þurfa að geta lesið í aðstæður og brugðist fljótt og vel við þegar þörf er á. Góð samskiptafærni og umhyggja eru miklir kostir í starfinu. Gott er einnig að geta veitt fyrstu hjálp ef slys ber að höndum.
Hreint sakavottorð
Góð íslenskukunnátta er skilyrði

Auglýsing birt28. nóvember 2025

Umsóknarfrestur10. desember 2025

Tungumálahæfni