Leikskólinn Langholt

1. júlí 2011 voru Holtaborg og Sunnuborg sameinaðir í einn leikskóla. Ákveðið var að aldursskipta húsunum, þannig að í Holtaborgarhúsinu eru yngri börnin og þau eldri í Sunnuborgarhúsinu. Á Holtaborg eru 50 börn sem eru fædd árin 2014 og 2015. Þeim er skipt niður á þrjár deildir hússins, Gulu-, Rauðu- og Bláu deild. Deildarstjórar eru Linda Ragna Marteinsdóttir á Bláu, Guðrún Magnúsdóttir á Gulu og Jónína María Sveinbjarnardóttir á Rauðu. Á Holtaborginni er salur, sem áður var Græna deild, sem deildirnar þrjár skipta nú á milli sín og nota í ýmsar stundir með börnunum. Sunnuborgin er með 123 börn fædd á árunum 2011-2013. Þau skiptast á fimm deildir hússins, Smálönd, Undraland, Álfaland, Dvergaland og Furðuland. Deildarstjórar eru Ingibjörg Leifsdóttir á Smálöndum, Anna Katrín Sveinsdóttir á Undralandi, Áslaug Pálsdóttir á Álfalandi, Þórdís Jónasdóttir á Dvergalandi og Lilja Guðmundsdóttir á Furðulandi. Þær Hrefna Sigurðardóttir og Helga Alexandersdóttir skipta skólastjórastöðunni og Sigríður Ásta Lárusdóttir er aðstoðarskólastjóri. Hún Þóra Pétursdóttir er svo sérkennslustjóri Langholts.

Vinnustaðurinn

Sérkennari - Langholt

Við í Langholti óskum eftir metnaðarfullum kennara í sérkennsluteymið okkar.

Langholt er átta deilda leikskóli við Sólheima í Reykjavík og er starfræktur í þremur byggingum.

Gróið umhverfi, nálægð við Laugardalinn og skemmtilegur húsakostur býður upp á spennandi leiðir til þess að mennta og hlúa að fjölbreyttum hópi barna.

Leikskólinn er sterkur hluti af mannlífi í hverfinu enda virðing, gleði og vinátta höfð að leiðarljósi í starfinu. Útinám, læsi og íslenska sem annað mál eru máttarstoðir í daglegu starfi.

Í Langholti leggjum við áherslu á að draumar allra barna geti ræst og að öll börn geti notið sín.

Helstu verkefni og ábyrgð

Helstu verkefni eru að vinna í teymi sérkennslunnar og veita þeim börnum sem og deildum stuðning til þess að allir geti notið sín í námi. Skipuleggja starfið og það sem þarf að vinna að hverju sinni í samstarfi við sérkennslustjóra og aðra í sérkennsluteymi. Starfinu fylgir mikil samskipti við foreldra og samstarf um velferð barna.

Menntunar- og hæfniskröfur

· Leikskólakennaramenntun eða leyfisbréf kennara

· Reynsla af uppeldis- og kennslustörfum með börnum

· Lipurð og sveigjanleiki í samskiptum

· Frumkvæði í starfi og faglegur metnaður

· Sjálfstæð og skipulögð vinnubrögð

· Góð íslenskukunnátta

· Íslenskukunnátta á stigi B1 samkvæmt evrópska tungumálarammanum.

Fríðindi í starfi

Menningarkort – bókasafnskort

Samgöngustyrkur

Sundkort