Rio Tinto á Íslandi

Rio Tinto á Íslandi – í daglegu tali oft nefnt “ISAL” – hefur framleitt ál í Straumsvík í meira en 50 ár og notar til þess íslenska umhverfisvæna orku. Við framleiðum um 200 þúsund tonn af hágæðaáli á ári og sendum það til fjölmargra viðskiptavina víðsvegar í Evrópu. Þannig öflum við dýrmætra gjaldeyristekna fyrir íslenskt efnahagslíf og samfélag. Ál gerir daglegt líf okkar betra; það er meðal annars notað í bíla, flugvélar, byggingar, raftæki á borð við tölvur og síma, og umbúðir utan um matvæli, drykki og lyf. Mikil meirihluti áls er endurunninn sem þýðir að komandi kynslóðir geta notað það aftur og aftur með lítilli fyrirhöfn. Við erum fjölbreyttur vinnustaður tæplega 400 starfsmanna auk verktaka. Við kappkostum að vera í fararbroddi í öryggis-, heilbrigðis- og umhverfismálum og leggjum einnig mikla áherslu á starfsmenntamál og jafnrétti á vinnustað. Gildi okkar eru: umhyggja - hugrekki - framsækni

Vinnustaðurinn

Sérfræðingur í rekstri raforkukerfa

Viltu starfa í hátæknilegu og krefjandi umhverfi?

Rio Tinto á Íslandi leitar að sérfræðingi með bakgrunn í rafmagnsverkfræði, rafmagnstæknifræði eða sambærilegu til að sinna lykilhlutverki í þróun og rekstri orkustjórnkerfa álversins í Straumsvík. Í starfinu felst að tryggja stöðugan og öruggan rekstur háspennu- og afriðlabúnaðar álversins.

Ef þú hefur brennandi áhuga á að starfa við eitt mikilvægasta raforkukerfi landsins og taka þátt í þróun á öruggum og skilvirkum rekstri, hvetjum við þig til að sækja um.

Helstu verkefni og ábyrgð

Rekstur, eftirlit og bilanagreiningar á háspennu- og lágspennubúnaði í aðveitu- og dreifistöðvum.
Þróun og viðhald straumstýringa og hugbúnaðar fyrir afriðladeildir, m.a. með iðntölvuforritun.
Mælingar, greiningar á rekstrartruflunum og þátttaka í umbótaverkefnum til að auka rekstraröryggi og skilvirkni.
Samstarf við orkufyrirtæki, verktaka og birgja til að tryggja öruggan og hagkvæman rekstur.
Eftirfylgni með öryggisreglum, stöðlum og verklagsreglum vinnu við rafbúnað.

Menntunar- og hæfniskröfur

Háskólamenntun í rafmagnsverkfræði, rafmagnstæknifræði eða skyldu fagi. Iðnmenntun á sviði rafmagns er kostur.
Reynsla af rekstri og viðhaldi háspennubúnaðar og dreifikerfa, þar með talið aflspennum, rofabúnaði og verndarkerfum.
Góð hæfni í bilanagreiningu, rafmagnsgæðum og orkunýtni, auk þekkingar á SCADA-kerfum, fjargreiningu og sjálfvirkum stjórnkerfum.
Reynsla af iðntölvuforritun er kostur.
Rík öryggisvitund og ögun og sjálfstæði í vinnubrögðum.
Góð samskiptahæfni og geta til að starfa í teymi.
Góð íslensku- og enskukunnátta í töluðu og rituðu máli.

Fríðindi í starfi

Frítt fæði í mötuneyti.
Heilsustyrkur.
Fæðingarorlofsstyrkur allt að 18 vikur á óskertum launum.
Velferðartorg.
Þátttaka í hlutabréfakaupum.
Öflugt þjálfunar- og fræðslustarf.

Saman sköpum við fjölbreyttan, eftirsóknarverðan og umfram allt skemmtilegan vinnustað með hæft, áhugasamt og jákvætt starfsfólk. Við bjóðum upp á samkeppnishæf laun, fjölskylduvænt starfsumhverfi með áherslu á öryggi, jafnrétti og vellíðan starfsfólks sem er grunnurinn að framúrskarandi árangri.
Forsenda allra ráðninga hjá ISAL er að standast læknisskoðun hjá trúnaðarlækni fyrirtækisins og undirgangast áfengis- og vímuefnaskimun.

Við hvetjum öll áhugasöm til að sækja um störf hjá ISAL.

Umsóknarfrestur er til og með 6. mars nk.

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu.

Umsjón með starfinu hafa Auður Bjarnadóttir ([email protected]) og Garðar Óli Ágústsson (garð[email protected]) hjá Vinnvinn.