Rio Tinto á Íslandi

Rio Tinto á Íslandi – í daglegu tali oft nefnt “ISAL” – hefur framleitt ál í Straumsvík í meira en 50 ár og notar til þess íslenska umhverfisvæna orku. Við framleiðum um 200 þúsund tonn af hágæðaáli á ári og sendum það til fjölmargra viðskiptavina víðsvegar í Evrópu. Þannig öflum við dýrmætra gjaldeyristekna fyrir íslenskt efnahagslíf og samfélag. Ál gerir daglegt líf okkar betra; það er meðal annars notað í bíla, flugvélar, byggingar, raftæki á borð við tölvur og síma, og umbúðir utan um matvæli, drykki og lyf. Mikil meirihluti áls er endurunninn sem þýðir að komandi kynslóðir geta notað það aftur og aftur með lítilli fyrirhöfn. Við erum fjölbreyttur vinnustaður tæplega 400 starfsmanna auk verktaka. Við kappkostum að vera í fararbroddi í öryggis-, heilbrigðis- og umhverfismálum og leggjum einnig mikla áherslu á starfsmenntamál og jafnrétti á vinnustað. Gildi okkar eru: umhyggja - hugrekki - framsækni

Vinnustaðurinn

Sérfræðingur í áhættugreiningu

Rio Tinto á Íslandi leitar að sérfræðingi sem hefur metnað fyrir öryggi og áhættustýringu í nýtt starf við áhættugreiningu. Viðkomandi gefst tækifæri til að taka þátt í að tryggja öryggi í krefjandi vinnuumhverfi.

Starfið heyrir undir leiðtoga öryggismála og er sérfræðingurinn hluti af teymi sem vinnur að öryggismálum innan fyrirtækisins.

Helstu verkefni og ábyrgð

Gerð og eftirfylgni með áhættugreiningum.
Samstarf við framleiðslu-, viðhaldsdeildir og verktaka vegna framkvæmdar áhættugreininga.
Fræðsla og þjálfun starfsfólks og verktaka.
Þátttaka í stefnumótun og umbótaverkefnum innan öryggismála.
Aðkoma að viðbragðs- og neyðarvarnaáætlun ISAL.
Þátttaka í innri og ytri úttektum.
Samskipti við móðurfélag og opinbera aðila.

Menntunar- og hæfniskröfur

Háskólapróf í verkfræði eða sambærileg menntun.
Reynsla á sviði áhættugreininga.
Þekking á viðurkenndum greiningaraðferðum á borð við HAZOP, HAZID, Zurich Hazard Analysis, FMEA er kostur.
Þekking á alþjóðlegum öryggis- og gæðastöðlum, svo sem ISO 45001,14001 og 9001 er kostur.
Reynsla af verkefnastjórnun er æskileg.
Frumkvæði, lausnamiðuð hugsun og öguð vinnubrögð.
Framúrskarandi skipulagshæfni ásamt færni í mannlegum samskiptum og getu til að starfa í teymi.
Góð íslensku - og enskukunnátta ásamt hæfni til að miðla upplýsingum á skýran og hvetjandi hátt.

Fríðindi í starfi

Frítt fæði í mötuneyti.
Heilsustyrkur.
Fæðingarorlofsstyrkur allt að 18 vikur á óskertum launum.
Velferðartorg.
Þátttaka í hlutabréfakaupum.
Öflugt þjálfunar- og fræðslustarf.

Saman sköpum við fjölbreyttan, eftirsóknarverðan og umfram allt skemmtilegan vinnustað með hæft, áhugasamt og jákvætt starfsfólk. Við bjóðum upp á samkeppnishæf laun, fjölskylduvænt starfsumhverfi með áherslu á öryggi, jafnrétti og vellíðan starfsfólks sem er grunnurinn að framúrskarandi árangri. Forsenda allra ráðninga hjá ISAL er að standast læknisskoðun hjá trúnaðarlækni fyrirtækisins og undirgangast áfengis- og vímuefnaskimun.

Við hvetjum öll áhugasöm til að sækja um störf hjá ISAL.

Umsóknarfrestur er til og með 11. mars nk.

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu.

Umsjón með starfinu hafa Auður Bjarnadóttir ([email protected]) og Garðar Óli Ágústsson (garð[email protected]) hjá Vinnvinn.