Tryggingastofnun

Tryggingastofnun er þjónustustofnun sem gegnir lykilhlutverki í velferðarþjónustu Íslands. Hlutverk stofnunarinnar er að framfylgja lögum um almannatryggingar, lögum um félagslega aðstoð og lögum um málefni langveikra barna. Hjá TR starfa um 100 starfmenn með hátt menntunarstig og mikla fagþekkingu. Starfsfólki er boðið upp á nútímalegt vinnuumhverfi þar sem ríkir góður starfsandi, sveigjanlegur vinnutími og mikil samvinna.

Vinnustaðurinn

Sérfræðingur á sviði fjölskyldumála TR

Hefur þú brennandi áhuga á velferðar- og heilbrigðismálum og vilt vinna á nútímalegum og góðum vinnustað þar sem er boðið er upp á fyrsta flokks vinnuaðstöðu og góðan starfsanda? Þá ættir þú að skoða starf sérfræðings á sviði ellilífeyris- og fjölskyldumála hjá Tryggingastofnun (TR). Um er að ræða spennandi og krefjandi sérfræðistarf í teymi sem ber m.a. ábyrgð á úrvinnslu umsókna um foreldragreiðslur og greiðslur til umönnunaraðila fatlaðra og langveikra barna.

Helstu verkefni og ábyrgð

Mat, greining og úrvinnsla umsókna um umönnunar- og foreldragreiðslur vegna fatlaðra og langveikra barna.
Ráðgjöf, þjónusta og upplýsingamiðlun til viðskiptavina og samstarfsaðila í síma og þjónustumiðstöð
Þróun vinnuferla og rafrænnar þjónustu.
Önnur sérhæfð verkefni.

Menntunar- og hæfniskröfur

Háskólamenntun á sviði heilbrigðis- eða félagsvísinda, s.s. sálfræði, þroskaþjálfun, hjúkrunarfræði, iðjuþjálfun eða félagsráðgjöf.
Framhaldsmenntun sem nýtist í starfi er kostur.
Þekking og starfsreynsla af þjónustu við fötluð og langaveik börn og fjölskyldur þeirra.
Mjög gott vald á rituðu íslensku máli, ensku og upplýsingatækni.
Mjög góð samskiptahæfni, lausnamiðuð hugsun og frumkvæði

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ferilskrá og ítarlegt kynningarbréf á íslensku um hvers vegna sótt er um starfið, ásamt rökstuðningi um færni viðkomandi til að gegna starfinu. Jafnframt skal leggja fram leyfisbréf og staðfestar upplýsingar um menntun.

Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað.

TR er þjónustustofnun almannatrygginga. Hjá TR ríkir góður starfsandi og boðið er upp á góða vinnuaðstöðu og sveigjanlegan vinnutíma. Karlar jafnt sem konur eru hvött til að sækja um. TR hefur hlotið jafnlaunavottun.

Vinnuvika starfsfólks í fullri vinnu er 36 stundir. Markmiðið með því er að stuðla að betri heilsu og auka möguleika starfsfólks til að samþætta betur vinnu og einkalíf með bættri nýtingu vinnutíma og gagnkvæmum sveigjanleika.

Æskilegt er að viðkomandi geti hafið störf sem fyrst, eða eftir nánara samkomulagi.

Starfshlutfall er 100%

Auglýsing birt27. febrúar 2025

Umsóknarfrestur10. mars 2025

Tungumálahæfni