Laus störf Hæfnileit Vinnustaðir Námskeið

Samhjálp

Samhjálp var stofnað árið 1973 og hefur því starfað í rúma hálfa öld. Samhjálp rekur fimm starfsstöðvar en um 30 einstaklingar starfa hjá félaginu ásamt nokkrum fjölda sjálfboðaliða. Stærsta starfsstöðin og jafnframt sú elsta, er meðferðarheimilið Hlaðgerðarkot í Mosfellsdal en þar er pláss fyrir um þrjátíu einstaklinga í meðferð hverju sinni. Samhjálp rekur tvö áfanga- og stuðningsheimili fyrir átta karlmenn hvort, annað í Reykjavík og hitt í Kópavogi. Kaffistofa Samhjálpar sem er opin alla daga ársins og er í Borgartúni í Reykjavík. Skrifstofa Samhjálpar, sem er þjónustumiðstöð félagsins og miðstöð fjáröflunar, er í Skútuvogi 1g.

Vinnustaðurinn

Samhjálp óskar eftir að ráða sálfræðing í 50% starf

Við leitum að sálfræðingi með klíníska menntun til starfa á meðferðarheimilinu Hlaðgerðarkoti í Mosfellsdal.

Helstu verkefni og ábyrgð

Einstaklingsviðtöl og handleiðsla í hópavinnu skjólstæðinga.

Mat á næstu skrefum eftir meðferð.

Þátttaka í faglegu teymi og þróunarvinnu.

Menntunar- og hæfniskröfur

Réttindi til að starfa sem sálfræðingur á Íslandi.

Klínísk menntun og reynsla af hugrænni atferlismeðferð.

Reynsla af úrvinnslu áfalla er æskileg.

Laun skv. kjarasamningi SA og Sálfræðifélagi Íslands

Hlaðgerðarkot í Mosfellsdal er elsta starfandi meðferðarheimili landsins. Í Hlaðgerðarkoti er unnið með einstaklinga sem eiga við fíknivanda að stríða. Þar starfar þverfaglegt teymi læknis, hjúkrunarfræðings, félagsráðgjafa og áfengis- og vímuefnaráðgjafa ásamt því sem umsjónarmenn eru við störf allan sólarhringinn og eru til stuðnings þeim sem eru í meðferð. Í Hlaðgerðarkoti er lögð áhersla á heimilislegt og hlýlegt viðmót og er virðing fyrir einstaklingnum höfð að leiðarljósi. Meðferðarformið í Hlaðgerðarkoti er langtíma inniliggjandi meðferð í 12 vikur og eftir atvikum lengur.

Nánari upplýsingar veitir Signý Guðbjartsdóttir forstöðumaður í Hlaðgerðarkoti.

Netfangið er [email protected]

Auglýsing birt28. nóvember 2025

Umsóknarfrestur31. desember 2025

Tungumálahæfni