Sérfræðingur í stafrænni persónuvernd

Reykjavík - Miðlæg stjórnsýsla Borgartún 12-14, 105 Reykjavík


Reykjavíkurborg auglýsir eftir sérfræðingi í persónuvernd með brennandi áhuga á tækni og stafrænum miðlum.

Viðkomandi mun vinna að innleiðingu og framfylgd laga um persónuvernd og vinnslu persónuupplýsinga, nr. 90/2018. Meðal verkefna sérfræðingsins er áhættugreining og trygging á upplýsingaöryggi og réttri meðferð persónugreinanlegra gagna í samstarfi við starfsmenn og aðra sérfræðinga Reykjavíkurborgar.

Um er að ræða nýtt starf og hefur viðkomandi starfsmaður tækifæri til að útfæra, móta og þróa starfið. Starfið er hluti af stafrænni vegferð Reykjavíkurborgar og allsherjar umbreytingu á þjónustu hennar. Í boði er fjölskylduvænn, fjölbreyttur og lifandi vinnustaður sem býður upp á skemmtilegt starfsumhverfi.

Helstu verkefni og ábyrgð

  • Innleiðing og eftirfylgni persónuverndarstefnu í upplýsingatækni- og þjónustuumhverfi Reykjavíkurborgar.
  • Ráðgjöf um val á eða breytingu á kerfum, ferlum eða  vefjum.
  • Þátttaka í setningu og eftirfylgni árangursmarkmiða borgarinnar. 
  • Þátttaka í endurskoðun og gerð ferla.
  • Þátttaka í innleiðingu og viðhaldi innra skýrslugerðarkerfis.
  • Samstarf við aðra persónuverndarfulltrúa borgarinnar vegna málefna er varða persónuvernd og meðferð gagna.

Hæfniskröfur

  • Háskólamenntun sem nýtist í starfi, t.d. á sviði upplýsingatækni eða lögfræði.
  • Þekking og skilningur á upplýsingatæknimálum og upplýsingaöryggi.
  • Áhugi á stafrænni tækni og áskorunum er henni fylgja.
  • Þekking á lögum um persónuvernd og vinnslu persónuupplýsinga nr. 90/2018 svo og reglugerð Evrópuþingsins og ráðsins (ESB) nr. 2016/679.
  • Þekking á opinberri stjórnsýslu er kostur.
  • Góð íslensku- og enskukunnátta í ræðu og riti.
  • Hæfni í mannlegum samskiptum.
  • Sjálfstæði og frumkvæði í starfi.

Laun eru samkvæmt kjarasamningi Reykjavíkurborgar og viðeigandi stéttarfélags.

Nánari upplýsingar veitir Óskar J. Sandholt, skrifstofustjóri Skrifstofu þjónustu og reksturs Reykjavíkurborgar í síma 411 1058 eða í gegnum tölvupóstfangið oskar.j.sandholt@reykjavik.is

Umsóknarfrestur:

20.02.2019

Auglýsing stofnuð:

04.02.2019

Staðsetning:

Borgartún 12-14, 105 Reykjavík

Starfstegund:

Fullt starf


Starfsgreinar
Sérfræðistörf

Starfsmerkingar
Deila starfi Senda póst Messenger

Vertu í sambandi