Leikskólakennari/leiðbeinandi - Seljakot

Leikskólinn Seljakot Rangársel 15, 109 Reykjavík


Seljakot
Leikskólakennari eða leiðbeinandi óskast við leikskólann Seljakot. Nýlega opnuðu tvær nýjar deildir í nýju húsi á lóð leikskólans. Þar er gert ráð fyrir 30 börnum á aldrinum 2-3 ára, 15 börn á hvorri deild. Í eldra húsinu dvelja eldri börnin á tveimur deildum, 22 börn á hvorri deild.
Í starfi okkar með börnunum er meðal annars horft til hugmyndafræði Reggio Emilia á Ítalíu sem er þekkt fyrir skapandi starf og gagnrýna hugsun. Leiðarljós leikskólans er frumkvæði - sköpun - tjáning. Þá erum við einnig heilsueflandi skóli og þátttakendur í verkefninu Heilsueflandi Breiðholt. Þar er lögð áhersla á heilsu, heilbrigði og velferð. Starfið í Seljakoti er skemmtilegt, metnaðarfullt og afar fjölbreytt.
Leikskólinn er staðsettur við Rangársel í Seljahverfi. Í bakgarðinum er Seljadalur þar sem umhverfið er afar fallegt og fjölbreytt í óspilltri náttúrunni. Dalurinn býður upp á ótal kennslumöguleika með börnum þar sem m.a. má finna læki, tré, gróður og dýralíf.
Það eru fjölbreytt og skemmtileg verkefni framundan í Seljakoti. Starfsmannahópurinn er samheldinn og innan hans ríkir sérstaklega góður starfsandi. Óskað er eftir leikskólakennurum sem eru tilbúnir til að taka þátt og þróa starfið en frekar og vera um leið hluti af heildarsýn skólans og því faglega starfi sem þar fer fram.

Starfið er laust nú þegar, eða eftir samkomulagi.


Helstu verkefni og ábyrgð 
Að vinna að uppeldi og menntun leikskólabarna samkvæmt stefnu og skipulagi skólans undir stjórn deildarstjóra.


Hæfniskröfur 
Leikskólakennaramenntun eða önnur uppeldismenntun
Reynsla af uppeldis- og kennslustörfum með ungum börnum æskileg
Færni í samskiptum
Frumkvæði í starfi
Sjálfstæð og skipulögð vinnubrögð
Góð íslenskukunnátta


Frekari upplýsingar um starfið 
Laun eru samkvæmt samningi Reykjavíkurborgar og viðkomandi stéttarfélags.


Starfshlutfall 
100%


Skóla- og frístundasvið


Nánari upplýsingar um starfið veitir 
Sigríður Kristín Jónsdóttir
Tölvupóstur 
sigridur.kristin.jonsdottir@rvkskolar.is


Sími 
557-2350


Leikskólinn Seljakot
Rangárseli 15
109 Reykjavík

Umsóknarfrestur:

22.08.2019

Auglýsing stofnuð:

08.08.2019

Staðsetning:

Rangársel 15, 109 Reykjavík

Starfstegund:

Fullt starf


Starfsgreinar
Kennsla og rannsóknir

Starfsmerkingar
Deila starfi Senda póst Messenger

Vertu í sambandi