Ráðgjafi / Stuðningfulltrúi óskast á BUGL

Landspítali Dalbraut 12, 105 Reykjavík


Ráðgjafi/ stuðningsfulltrúi á barna- og unglingageðdeild Landspítala

Ráðgjafi/ stuðningsfulltrúi óskast til starfa á legudeild barna- og unglingageðdeildar (BUGL) á kvenna- og barnasviði. Deildin er 17 rúma sólarhringsdeild þar sem veitt er fjölskyldumiðuð þjónusta sem byggir á hugmyndafræði tengslamiðaðrar nálgunar. Hlutverk deildarinnar er að sinna börnum og fjölskyldum þeirra sem þurfa á tímabundinni innlögn að halda vegna geðræns vanda barns.

Á deildinni starfa um 40 manns í þverfaglegu teymi. Góður starfsandi er ríkjandi og miklir möguleikar eru til starfsþróunar. Við tökum vel á móti nýju fólki og bjóðum markvissa, einstaklingshæfða starfsaðlögun í fjölskylduvænu starfsumhverfi.


Helstu verkefni og ábyrgð:

  • Vinnur í þverfaglegu teymi við umönnun og meðferð barna og unglinga með geðrænan vanda og fjölskyldna þeirra
  • Tekur þátt í gerð, framkvæmd og endurmati einstaklingshæfðra meðferðaráætlana
  • Tekur þátt í umbótastarfi og þróun þjónustunnar
  • Stuðlar að góðum starfsanda


Hæfnikröfur:

  • Reynsla af meðferðar-/umönnunar/-uppeldisstörfum skilyrði
  • Framúrskarandi samskiptahæfni
  • Faglegur metnaður, jákvætt hugarfar og frumkvæði
  • Áhugi á þverfaglegu samstarfi og teymisvinnu
  • Hæfni til að starfa samkvæmt öryggisverkferlum deildar
  • Menntun á sviði heilbrigðis-, mennta- eða félagsvísinda sem nýtist í starfi æskileg
  • Góð almenn tölvukunnátta og færni í íslensku, mæltu og rituðu máli
  • Kunnátta í tungumáli stórra samfélagshópa á Íslandi sem eiga íslensku ekki að móðurmáli er kostur

Frekari upplýsingar um starfið:
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert. Tekið er mið af jafnréttisstefnu LSH við ráðningar á spítalanum.

Um er að ræða vaktavinnu. Gera má ráð fyrir auknu hlutfalli næturvakta, allt að 50%, yfir sumarmánuði. Ráðið verður í starfið frá 1. júní 2019 eða eftir samkomulagi.

Umsókn fylgi náms- og starfsferilskrá ásamt afriti af sakavottorði.

Ákvörðun um ráðningu byggir á innsendum gögnum og viðtölum. Öllum umsóknum verður svarað.

Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 01.04.2019

Nánari upplýsingar veitir: 
Sigurveig Sigurjónsd. Mýrdal - sigurves@landspitali.is - 543 4320

Landspítali

Barna- og unglingageðdeild

Dalbraut 12

105 Reykjavík 

Umsóknarfrestur:

01.04.2019

Auglýsing stofnuð:

15.03.2019

Staðsetning:

Dalbraut 12, 105 Reykjavík

Starfstegund:

Fullt starf


Starfsgreinar
Heilbrigðisþjónusta

Starfsmerkingar
Deila starfi Senda póst Messenger

Vertu í sambandi