Hjúkrunarfræðingur, Vífilsstaðir

Landspítali Eiríksgata 5, 101 Reykjavík


Hefur þú áhuga á hjúkrun aldraðra?  Við sækjumst eftir hjúkrunarfræðingi til starfa á hjúkrunardeild á Vífilsstöðum og bjóðum nýútskrifuðum hjúkrunarfræðingi jafnt sem reynslubolta velkominn í okkar hóp. Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala.

Starfshlutfall er samkomulag, unnið er í vaktavinnu, aðallega morgun- og kvöldvaktir. Starfið er laust 5. janúar 2019, eða fyrr eftir nánara samkomulagi.

Deildin er 42 rúma og er hluti af Landspítala. Skjólstæðingarnir þar hafa gilt færni- og heilsumat og eru að bíða eftir dvöl á hjúkrunarheimili. Lögð er áhersla á jákvætt framlag sérhvers einstaklings, þátttöku og samvinnu í daglegum störfum deildarinnar. Við tökum vel á móti nýjum starfsmönnum og veitum góða aðlögun. Áhugasamir hafið samband við Borghildi, deildarstjóra.

 Á deildinni taka flestir hjúkrunarfræðingar þátt í tilraunaverkefni innan Landspítala um sveigjanlegra vinnufyrirkomulag hjúkrunarfræðinga í vaktavinnu, með undirbúnings- og frágangstíma og viðbragðsvöktum sem hluta af vinnuskyldu. Markmið verkefnisins er að bæta mönnun og starfsumhverfi hjúkrunarfræðinga á sólarhringsdeildum í bráðaþjónustu.

 Helstu verkefni og ábyrgð
» Ákveða, skipuleggja og veita hjúkrunarmeðferð í samráði við skjólstæðing og bera ábyrgð á meðferð
» Skipuleggja og veita fræðslu til sjúklinga og aðstandenda
» Þátttaka í teymisvinnu

 Hæfnikröfur
» Jákvætt viðmót og góðir samskiptahæfileikar
» Faglegur metnaður, frumkvæði og sjálfstæði í vinnubrögðum
» Hæfni og geta til að starfa í teymi
» Áhugi á hjúkrun aldraðra
» Íslenskt hjúkrunarleyfi

 Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert. Tekið er mið af jafnréttisstefnu Landspítala við ráðningar á spítalanum.

Umsókn skal fylgja náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. Um er að ræða 2 stöðugildi.

Landspítali er lifandi og fjölbreyttur vinnustaður þar sem tæplega 6.000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 100%
Umsóknarfrestur er til og með 10.12.2018


Nánari upplýsingar veitir
Borghildur Árnadóttir - borgharn@landspitali.is - 824 4595
Bára Benediktsdóttir - baraben@landspitali.is - 824 5909


LSH Öldrunardeild H
Vífilsstöðum
210 Garðabær

Umsóknarfrestur:

10.12.2018

Auglýsing stofnuð:

28.11.2018

Staðsetning:

Eiríksgata 5, 101 Reykjavík

Starfstegund:

Fullt starf


Starfsgreinar
Heilbrigðisþjónusta

Starfsmerkingar
Deila starfi Senda póst Messenger

Vertu í sambandi