Verkefnastjóri frístundar í Krikaskóla

Krikaskóli Sunnukriki 1, 270 Mosfellsbær


Við leitum að verkefnastjóra frístundar í Krikaskóla

Krikaskóli er leik- og grunnskóli og starfsemin tekur mið af skólastefnu Mosfellsbæjar um heildstætt uppeldis- og skólastarf í leik- og grunnskólum. Skólaárið 2019-2020 verða um 210 börn á aldrinum 2ja-9 ára í skólanum. Umsækjendur eru hvattir til að kynna sér skólastefnu skólans og uppbyggingu á heimasíðu hans áður en þeir sækja um starf. Nánari upplýsingar um skólastarfið má finna á heimasíðu skólans: www.krikaskoli.is

Við leitum að verkefnastjóra frístundastarfs í 100% starf með 6 til 9 ára börnum, fyrir skólaárið 2019, um framtíðarstarf er að ræða. Um leiðtogahlutverk er að ræða í skólaþróun Krikaskóla. Verkefnastjóri frístundastarfsins hefur umsjón með framkvæmd frístundarstarfsins í skólanum, stýrir samstarfsfólki og hefur yfirumsjón með skólaakstri. Hann hefur einnig komið að kennslu í smiðjum skólans fyrir list- og verkgreinar eftir áhugasviði og þekkingu. Æskilegt er að viðkomandi hafi menntun í tómstunda- og félagsmálafræði eða aðra uppeldismenntun sem og reynslu af slíkum störfum. Staðan er laus frá 1. ágúst 2019.

Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.

Menntunar- og hæfnikröfur:

  • Menntun á sviði tómstunda- og félagsmálafræða eða önnur uppeldismenntun er æskileg
  • Menntun sem nýtist í starfi skilyrði
  • Frumkvæði, sjálfstæði og faglegur metnaður
  • Mjög góð færni í samvinnu, samskiptum og teymisvinnu
  • Áhugi á starfi með börnum
  • Áhugi á starfsþróun og nýjum fjölbreyttum áherslum í skólastarfi
  • Hugmyndaauðgi, jákvæðni og sveigjanleiki

Umsóknarfrestur er til og með 26. maí 2019.

Umsóknir skulu innihalda starfsferilsskrá og kynningarbréf sem greinir frá reynslu, menntun og fyrri störfum ásamt rökstuðningi fyrir hæfni í starfið. Nánari upplýsingar um starfið veitir Þrúður Hjelm, skólastjóri eða Ágústa Óladóttir, aðstoðarskólastjóri í síma 578-3400. Öllum umsóknum verður svarað. Laun eru samkvæmt kjarasamningi Samband íslenskra sveitarfélaga og viðkomandi stéttarfélags. Ráðið er í öll störf óháð kyni.

Umsóknarfrestur:

26.05.2019

Auglýsing stofnuð:

07.05.2019

Staðsetning:

Sunnukriki 1, 270 Mosfellsbær

Starfstegund:

Fullt starf


Starfsgreinar
Stjórnunarstörf

Starfsmerkingar
Deila starfi Senda póst Messenger

Vertu í sambandi