Upplýsinga- og þjónustufulltrúi

Ísafjarðarbær Hafnarstræti 1, 400 Ísafjörður


Ísafjarðarbær auglýsir starf upplýsinga- og þjónustufulltrúa laust til umsóknar.  Um er að ræða 100% starf frá 1. september 2019 eða eftir nánara samkomulagi. Umsóknarfrestur er til og með 30. apríl 2019.

Upplýsinga- og þjónustufulltrúi sinnir allri almennri þjónustu gagnvart viðskiptavinum, starfsmönnum og öllum stofnunum bæjarins. Hann kemur á framfæri og einfaldar aðgengi að upplýsingum úr starfsemi sveitarfélagsins til íbúa þess, starfsmanna og annarra hagsmunahópa.

Helstu verkefni:

·         Umsjón með upplýsingamiðlum, heimasíðum og samfélagsmiðlum bæjarins til innri og ytri viðskiptavina
·         Upplýsingagjöf og aðstoð við viðskiptavini og starfsmenn

·         Gerð og dreifing frétttilkynninga, aðstoð við greinarskrif og prófarkalestur

·         Samskipti við fjölmiðla

·         Móttaka viðskiptavina, afgreiðsla og leiðbeining

·         Móttaka erinda, ábendinga, skjala og umsókna

·         Starfsmaður nefnda og ritun fundargerða

·         Bókun viðtala og funda

·         Aðstoð við starfsmenn s.s. ljósritun, frágangur gagna, undirbúningur funda, skönnun, póstsendingar og pantanir á þjónustu

·         Ábyrgð og utanumhald vegna lána á tækjum til stofnana og bifreið bæjarskrifstofa

·         Umsjón með fundarherbergi og afgreiðslu
 

Menntunar- og hæfnikröfur:

·         Háskólamenntun sem nýtist í starfi, svo sem á sviði almannatengsla, fjölmiðlunar eða upplýsingamiðlunar

·         Starfsreynsla á sviði upplýsinga- og kynningarmála kostur

·         Framúrskarandi vald á íslenskri tungu í mæltu máli og rituðu

·         Mikil færni og reynsla í textagerð

·         Frumkvæði og sjálfstæð vinnubrögð

·         Rík þjónustulund, hæfni í mannlegum samskiptum og sveigjanleiki

·         Skipulagshæfni og nákvæmni

·         Góð færni í ensku, þekking á öðru tungumáli kostur

·         Góð þekking á upplýsingatækni, samfélagsmiðlum og góð almenn tölvukunnátta

Launakjör eru samkvæmt samningum Sambands íslenskra sveitarfélaga við viðkomandi stéttarfélag.

Umsóknum skal skilað til mannauðsstjóra Ísafjarðarbæjar í netfangið baldurjo@isafjordur.is. Með umsókn skal fylgja ferilskrá og kynningarbréf. Við hvetjum bæði konur og karla til að sækja um starfið.

Nánari upplýsingar gefur Þórdís Sif Sigurðardóttir, sviðsstjóri stjórnsýslu- og fjármálasviðs, í síma 450-8000 eða í gegnum tölvupóstfangið thordissif@isafjordur.is.  Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði.

 

                                                    -Við þjónum með gleði til gagns-

Umsóknarfrestur:

30.04.2019

Auglýsing stofnuð:

15.04.2019

Staðsetning:

Hafnarstræti 1, 400 Ísafjörður

Starfstegund:

Fullt starf


Starfsgreinar
Skrifstofustörf Sérfræðistörf Þjónustustörf

Starfsmerkingar
Deila starfi Senda póst Messenger

Vertu í sambandi