Hjúkrunarfræðingar Heilsugæslan Glæsibæ

Heilsugæsla Höfuðborgarsvæðisins Álfabakki 16, 109 Reykjavík


Heilsugæslan Glæsibæ auglýsir eftir tveimur hjúkrunarfræðingum til starfa annars vegar við hjúkrunarmóttöku, ung- og smábarnavernd ásamt skólahjúkrun og hins vegar við ung-og smábarnavernd og hjúkrunarmóttöku. Um 80-100% ótímabundin störf er að ræða og þurfa viðkomandi að geta hafið störf sem fyrst eða eftir nánara samkomulagi.


Á Heilsugæslunni Glæsibæ starfa læknar, hjúkrunarfræðingar, ljósmæður, sálfræðingur, hreyfistjóri og þjónustufulltrúar.
Heilsugæslunni er ætlað að veita íbúum almenna, samfellda og aðgengilega heilbrigðisþjónustu. Starfsemi heilsugæslunnar er í örri framþróun þar sem áhersla er lögð á náið samstarf fagstétta og teymisvinnu.

Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is).

 

Helstu verkefni og ábyrgð:

Starfssvið hjúkrunarfræðinga í heilsugæslu er mjög fjölbreytt. Meginverkefni í þessu starfi eru við hjúkrunarmóttöku, ung- og smábarnavernd og skólaheilsugæslu.

Starfssvið í móttöku er mjög víðtækt, allt frá símaráðgjöf til bráðaþjónustu. Hjúkrunarmóttakan sinnir fólki á öllum aldri og skiptist í opna móttöku, bókaða móttöku og símaráðgjöf. Einnig er boðið upp á lífsstíls- og sykursýkisráðgjöf.

Ung og smábarnavernd eflir heilsu, vellíðan og þroska ungra barna með reglulegum heilsufarsskoðunum ásamt stuðningi og heilbrigðisfræðslu til fjölskyldna þeirra.

Skólahjúkrunarfræðingur sinnir reglubundnu heilbrigðiseftirliti nemenda og fræðslu. Auk þess sinnir hann öðrum viðfangsefnum sem upp kunna að koma í samstarfi við annað starfsfólk skólans og foreldra eftir þörfum hverju sinni. Skólahjúkrunarfræðingar á stöðinni starfa í samvinnu við fjölskylduteymi Langholts-og Vogahverfis, þverfaglegs teymis sem samhæfir aðgerðir fyrir fjölskyldur barna með ýmiskonar vanda.


Hæfnikröfur:

- Íslenskt hjúkrunarleyfi
- Reynsla af skóla- og/eða heilsugæsluhjúkrun æskileg
- Faglegur metnaður og áhugi á að vinna með börnum skilyrði
- Reynsla af bráða- og slysamóttöku er kostur
- Framúrskarandi samskiptahæfni og rík þjónustulund
- Reynsla af og áhugi á teymisvinnu
- Sjálfstæði í starfi
- Góð íslenskukunnátta

Frekari upplýsingar um starfið:

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Stéttarfélag er Félag íslenskra hjúkrunarfræðinga.

Umsókn skal fylgja ítarleg náms- og starfsferilsskrá ásamt kynningarbréfi. Jafnframt skal leggja fram staðfestar upplýsingar um menntun og staðfest afrit af opinberu starfsleyfi. Umsókn getur gilt í 6 mánuði.

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs- og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir.

 


Starfshlutfall er 80 - 100%
Umsóknarfrestur er til og með 20.05.2019

Nánari upplýsingar veitir


Guðríður Anna Eyjólfsdóttir - anna.eyjolfsdottir@heilsugaeslan.is - 513-5700
Halldór Jónsson - halldor.jonsson@heilsugaeslan.is - 513-5700

Heilsugæsla höfuðborgarsvæðisins
Glæsibæ hjúkrun
Álfheimum 74
104 Reykjavík

 

Umsóknarfrestur:

20.05.2019

Auglýsing stofnuð:

02.05.2019

Staðsetning:

Álfabakki 16, 109 Reykjavík

Starfstegund:

Fullt starf


Starfsgreinar
Heilbrigðisþjónusta

Starfsmerkingar
Deila starfi Senda póst Messenger

Vertu í sambandi