Embla Medical | Össur

Embla Medical (Össur) var stofnað á Íslandi árið 1971 og er nú orðið alþjóðlegt heilbrigðistæknifyrirtæki sem hannar og framleiðir stoðtæki, spelkur og stuðningsvörur með það að markmiði að bæta hreyfanleika fólks og gera því kleift að lifa lífinu án takmarkana. Við erum leiðandi afl á heimsvísu; hjá okkur starfa um 4000 starfsmenn í yfir 30 löndum. Höfuðstöðvar fyrirtækisins eru á Íslandi en starfsstöðvar víða um heim sinna vaxandi markaði og félagið er skráð á hlutabréfamarkað í Danmörku. Mannauðurinn er okkur dýrmætur. Við erum hátæknifyrirtæki og árangur okkar er undir reyndu og hæfileikaríku fólki kominn. Við leggjum ríka áherslu á að laða að okkur hæft starfsfólk sem er tilbúið að leggja sig fram og sýnir frumkvæði.

Vinnustaðurinn

Finance Business Partner

Viltu taka þátt í verkefnum með það að leiðarljósi að bæta hreyfanleika fólks?

Global Finance Business Partnering hjá Embla Medical (Össur) leitar að reyndum og metnaðarfullum aðila í hlutverk Finance Business Partner til að styðja við framleiðludeild fyrirtækisins á alþjóðavísu. Finance Business Partner ber ábyrgð á fjárhagslegum greiningum, fjárhagsáætlunum og eftirliti á fjárhagsniðurstöðum framleiðsludeildar. Sem Finance Business Partner, gegnir þú lykilhlutverki í að ná fram fjárhagslegum árangri, veita stefnumótandi innsýn, og styðja við ákvarðanatöku innan framleiðslustarfseminnar okkar.

Helstu verkefni og ábyrgð

Greina og túlka fjárhagsleg gögn til að bera kennsl á þróun, tækifæri til hagræðinga og rekstrarumbóta í samstarfi við leiðtoga innan framleiðsludeildar.

Leiða fjárhagsáætlunarferil fyrir framleiðsludeild.

Vinna með leiðtogum innan framleiðsludeildar til að bera kennsl á viðskiptaáskoranir og -tækifæri ásamt því að veita fjárhagslega innsýn sem leiðir til arðbærra ákvarðanna.

Styðja við mánaðar- og árslokauppgjör, þar með talið frávikagreiningar og fjárhagsskýrslugerð.

Vinna í stöðugum umbótum innan fjármálateymisins og þvert á framleiðsludeildina.

Menntunar- og hæfniskröfur

Háskólapróf í viðskipta-, hag- eða verkfræði.

Haldbær reynsla í Finance Business Partnering, Business Controlling, eða tengdum störfum, helst í framleiðsluumhverfi.

Mjög góðan skilning á kostnaðarbókhaldi og fjárhagslegum greiningum.

Framúrskarandi góð tök á Excel og þekking á bókhaldskerfum (Business Central) og fjárhagslegum áætlunarkerfum (Anaplan) er kostur.

Hæfni til að tjá sig reiprennandi á ensku er skilyrði.

Mjög góð greiningarhæfni og færni í að leysa vandamál með getu til að miðla flóknum fjárhagshugtökum til hagsmunaaðila sem eru ekki með fjárhagslegan bakgrunn.

Góð verkefnastjórnunarhæfni með getu til að takast á við margvíslegar áherslur, færni í stjórnun hagsmunaaðila, er sjálfstæður, hefur frumkvæði og með auga fyrir smáatriðum.

Fríðindi í starfi