Verkefnastjóri MBA námsins – Háskóli Íslands

Félagsvísindasvið Háskóla Íslands Sæmundargata 10, 101 Reykjavík


Ef þú ert kraftmikill, skipulagður og þjónustumiðaður einstaklingur sem brennur fyrir því að taka þátt í að þróa nýjar leiðir og hefur gaman af samskiptum við fólk úr ólíku umhverfi þá gæti starf verkefnisstjóra MBA námsins verið fyrir þig.

MBA námið við Háskóla Íslands miðast að því að auka færni nemenda í stjórnun og rekstri. Mikil áhersla er lögð á tengsl við atvinnulífið og að hvert námskeið sé bæði framúrskarandi og metnaðarfullt.

Um er að ræða 50% starf sem felst að miklu leyti í samskiptum og þjónustu við MBA nemendur og kennara námsins ásamt skipulagningu viðburða. Auk þess er náin teymisvinna í markaðs-, kynningar- og rekstrarmálum.

 Starfssvið:

·       Utanumhald og framkvæmd viðburða

·       Töluleg úrvinnsla og samskipti í kringum vinnslu bókhalds

·       Þátttaka í kynningar- og markaðsmálum

·       Umsjón með vefsíðu MBA námsins

·       Náin teymisvinna með kennurum og þjónusta við nemendur

·       Önnur tilfallandi verkefni vegna MBA námsins

 

Menntunar- og hæfniskröfur:

·       Háskólapróf í viðskiptafræði eða skyldum greinum

·       Afbragðs hæfni í mannlegum samskiptum og teymisvinnu

·       Frumkvæði og sjálfstæð vinnubrögð

·       Þekking á samfélagsmiðlum

·       Skipulagshæfni og vandvirkni

·       Gott vald á talaðri og ritaðri íslensku

·       Góð enskukunnátta

·       Góður skilningur á fjármálum og markaðsmálum er kostur

·       Þekking á Indesign er kostur

·       Góð Excel kunnátta er kostur

  

Upphaf starfs er samkvæmt samkomulagi.

Laun eru samkvæmt kjarasamningi fjármálaráðherra og Félags háskólakennara.

Nánari upplýsingar um starfið veitir Svala Guðmundsdóttir, starfandi stjórnarformaður og dósent við Viðskiptafræðideild á netfanginu svala@hi.is eða í síma 866-8516.

Sótt er um starfið á vefsíðu Háskóla Íslands  undir laus störf. Umsóknarfrestur er til og með 30. mars 2019.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf við Háskóla Íslands er tekið mið af jafnréttisáætlun háskólans.

Á Félagsvísindaviði starfa á þriðja hundrað manns að kennslu og rannsóknum. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er áhersla á fjölbreytta miðlun þekkingar, öflugar samræður við íslenskt samfélag og alþjóðlega fræðasamfélagið.

Háskóli Íslands er stærsta kennslu-, rannsókna- og vísindastofnun Íslands með stórt og fjölbreytt safn rannsóknarverkefna. Háskóli Íslands veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands er í hópi 250 bestu háskóla heims samkvæmt matslista Times Higher Education.

Umsóknarfrestur:

01.04.2019

Auglýsing stofnuð:

15.03.2019

Staðsetning:

Sæmundargata 10, 101 Reykjavík

Starfstegund:

Hlutastarf


Starfsgreinar
Sölu- og markaðsstörf Skrifstofustörf Þjónustustörf Sérfræðistörf

Starfsmerkingar
Deila starfi Senda póst Messenger

Vertu í sambandi