Deildarstjóri með drifkraft & draumsýn
Okkur vantar deildarstjóra í flotta liðið okkar
Leikskólinn Austurkór leitar að hæfileikaríkum leikskólakennara til að stýra fallegri og velbúinni deild, byggja upp góða liðsheild starfsmanna og setja sitt mark á gróskumikið faglegt starf skólans.
Við í Austurkór horfum til Reggio Emilia og Vygotsky í starfsaðferðum okkar og leggjum mikla áherslu á lýðræðisleg vinnubrögð og flæði. Við skiptum skólaárinu upp í lotur og vinnum markvisst með gildi skólans: lýðræði, atorka og samvinna. Við erum útigarpar sem eru opnir fyrir ævintýrum á aldursblönduðum deildum...enda eru einkunnarorð skólans "Austurkór - þar sem ævintýrin gerast".
Heimasíðan okkar er: https://austurkor.kopavogur.is/
Tvær deildarstjórastöður eru lausar til umsóknar- annars vegar deild með blönduðum aldri og hins vegar deild með yngstu börnin.
Ef þú telur að þú eigir erindi í Austurkórs-liðið endilega smelltu inn umsókn og ævintýrin bíða þín.
Helstu verkefni og ábyrgð
Ber ábyrgð á stjórnun, skipulagningu, framkvæmd starfsins á deildinni og mati á því.
Annast daglega verkstjórn á deildinni og ber ábyrgð á að miðla upplýsingum innan deildarinnar, milli deilda leikskólans og milli leikskólastjóra og deildarinnar.
Hefur umsjón með móttöku, þjálfun og leiðsögn nýrra starfsmanna deildarinnar.
Ber ábyrgð á að unnið sé eftir skólanámskrá og ársáætlun leikskólans á deildinni.
Skipuleggur og vinnur að einstaklingsmiðuðu uppeldi og menntun barnanna í samstarfi við samstarfsfólk.
Ber ábyrgð á og tekur þátt í skipulagi og verkefnum deildarinnar/skólans m.a. í þróunarverkefnum, foreldrasamstarfi, samstarfi við aðrar stofnannir, á starfsmannafundum o.fl.
Menntunar- og hæfniskröfur
Kennaramenntun
Reynsla af vinnu með börnum
Ábyrgð og hæfni í mannlegum samskiptum
Jákvæðni, sveigjanleiki og frumkvæði í starfi
Áhugi og vilji til að tileinka sér starfsaðferðir skólans
Sjálfstæð og skipulögð vinnubrögð
Góð íslenskukunnátta
Reynsla af deildarstjórnun æskileg