Orka náttúrunnar

Orka náttúrunnar framleiðir ekki bara umhverfisvæna orku fyrir heimili, fyrirtæki og farartæki heldur leggur líka ríka áherslu á rannsóknir og nýsköpun til að tryggja komandi kynslóðum betri lífsgæði. Vernda, styrkja og endurheimta er grunnstefið í umgengni ON við náttúruna og er stolt starfsfólksins. Orka náttúrunnar hefur sett sér það markmið að verða kolefnishlutlaust árið 2030. Mörg skref hafa verið tekin í þá átt og hafa sömuleiðis mörg verkefni, sem unnin eru í samstarfi við okkar fremsta vísindafólk, hlotið verðskuldaða athygli víða um heim.

Vinnustaðurinn

Birgðastjóri - Orka Náttúrunnar

Ert þú metnaðarfullur birgðastjóri með ástríðu fyrir skilvirkni og nákvæmni?

Orka Náttúrunnar leitar að birgðastjóra til að stýra birgðahaldi á virkjanasvæðum fyrirtækisins.

Við leitum að einstakling sem býr yfir ástríðu fyrir sjálfbærum lausnum í birgðastjórnun og leggur áherslu á hagkvæmni og lausnamiðaða hugsun.

Viðkomandi mun bera ábyrgð á því að tryggja skilvirka stjórnun birgða, nákvæma skráningu og öruggt utanumhald á öllum vörum.

Starfið gerir því kröfu um sterka yfirsýn, skipulagsfærni og getu til að stýra stórum verkefnum.

Helstu verkefni og ábyrgð

Skipulagning, stýring og eftirlit með daglegum rekstri lagersins
Ábyrgð á að allar birgðir séu rétt skráðar, merktar og viðhaldið í samræmi við staðla fyrirtækisins
Yfirumsjón með innleiðingu, þróun og utanumhaldi á birgðakerfi
Ábyrgð á að tryggja lágmarksstöðu mikilvægra varahluta (e. critical spares)
Ábyrgð á þróun, þjálfun og leiðsögn starfsfólks lagersins og innri viðskiptavina til að tryggja skilvirkni
Þróun og innleiðing ferla fyrir birgðastjórnun, þ.m.t. innkaup, móttöku, geymslu og skráningu birgða
Samstarf við innkaupa- og tæknideildir virkjana, þ.m.t. orkuframleiðslukerfi, veitukerfi og húskerfi til að tryggja að birgðir séu nægar og til staðar þegar þeirra er þörf
Eftirlit með öryggi og ástandi birgða með áherslu á að lágmarka sóun og kostnað
Ábyrgð á að tryggja að öllum reglum og verklagsreglum fyrirtækisins sé fylgt í tengslum við birgðahaldið
Samvinna við innkaupa- og fjármálasvið til að tryggja nákvæmar fjárhagslegar upplýsingar um birgðir og kostnað

Menntunar- og hæfniskröfur

Reynsla af birgðastjórnun í hliðstæðu starfsumhverfi, s.s. á sviði orkuiðnaðar stóriðju eða sambærilegu er kostur
Leiðtogafærni, framúrskarandi skipulagshæfni og nákvæmni í vinnubrögðum
Frumkvæði í starfi og umbótahugsun
Góð tæknikunnátta og reynsla af upplýsingatæknikerfum
Reynsla af Agresso, Unit4 eða sambærilegum ERP kerfum er ótvíræður kostur
Samskiptafærni og hæfni til að miðla upplýsingum í ræðu og riti
Geta til að vinna undir álagi og taka ákvarðanir í flóknu og krefjandi umhverfi
Menntun á sviði birgðastjórnunar, verkfræði, tæknifræði eða sambærilegum greinum
Góð tölvukunnátta skilyrði

Umsókn um starfið skal fylgja ferilskrá og kynningarbréf þar sem umsækjandi gerir grein fyrir hæfni sinni í starfið m.t.t. ofangreinds.

Boðið er upp á akstur frá Bæjarhálsi og Selfossi/Hveragerði/Þorlákshöfn. Akstur fer fram á vinnutíma.

Við tökum jafnréttið alvarlega

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.

Umsóknarfrestur er til og með 9. mars 2025.

Nánari upplýsingar veitir Kristín Birna Fossdal, deildarstjóri viðhalds og verkstæðis, [email protected]

Af hverju Orka náttúrunnar?

Orka náttúrunnar er aflvaki sjálfbærrar framtíðar með grænni orku frá náttúru til viðskiptavina og leiðandi í nýsköpun og þróun endurnýjanlegrar orku.

Fyrirtækið framleiðir og selur rafmagn til allra landsmanna auk þess að framleiða heitt vatn fyrir höfuðborgarsvæðið.

Við rekum virkjanir á Hellisheiði, Nesjavöllum og við Andakílsá.

Við erum leiðandi í umhverfisvænum orkuskiptum á Íslandi, nýtingu auðlindastrauma og höfum sett okkur metnaðarfull loftslagsmarkmið. Við nýtum auðlindir Íslands af ábyrgð og nærgætni með það að leiðarljósi að bæta lífsgæði núna og í framtíðinni.

Hjá okkur ríkir jákvæður starfsandi sem einkennist af sterkri liðsheild, uppbyggilegum skoðanaskiptum og virðingu í samskiptum. Við bjóðum upp á fyrsta flokks aðbúnað og fjölskylduvænan vinnutíma.

Hvernig vinnustaður er Orkuveitan?

Auglýsing birt24. febrúar 2025

Umsóknarfrestur9. mars 2025

Tungumálahæfni