Ertu lunkinn liðsstjóri ?

Austurkór Austurkór 1, 203 Kópavogur


Leikskólakennari óskast

Leikskólinn Austurkór leitar að hæfileikaríkum leikskólakennara til að stýra fallegri og velbúinni deild, byggja upp lið nýrra starfsmanna og setja sitt mark á gróskumikið faglegt starf skólans.

Við í Austurkór horfum til Reggio Emilia og Vygotsky í starfsaðferðum okkar og leggjum mikla áherslu á lýðræðisleg vinnubrögð og flæði. Við skiptum skólaárinu upp í lotur og vinnum markvisst með gildi skólans: lýðræði, atorka og samvinna. Við erum útigarpar sem eru opnir fyrir ævintýrum á aldursblönduðum deildum...enda eru einkunnarorð skólans "Austurkór - þar sem ævintýrin gerast". 

Tvær deildarstjórastöður eru lausar til umsóknar- annars vegar deild með blönduðum aldri (2-5 ára) og hins vegar deild með yngstu börnin.

Ef þú telur að þú eigir erindi í Austurkórs-liðið endilega smelltu inn umsókn og ævintýrin bíða þín.

Menntunar- og hæfniskröfur

 

  • Leikskólakennaramenntun áskilin
  • Ábyrgð og hæfni í mannlegum samskiptum
  • Jákvæðni og sveigjanleiki og frumkvæði í starfi

  •  

    Áhugi og vilji til að tileinka sér starfsaðferðir skólans.
  • Sjálfstæð og skipulögð vinnubrögð
  • Reynsla af deildarstjórnun æskileg


Ráðningartími og starfshlutfall

  • Um er að ræða100 % starf.
  • Æskilegt er að viðkomandi geti hafið störf sem fyrst eða samkvæmt samkomulagi.

Starfskröfur

  • Ber ábyrgð á stjórnun, skipulagningu, framkvæmd og mati starfsins á deildinni
  • Annast daglega verkstjórn á deildinni og ber ábyrgð á að miðla upplýsingum innan deildarinnar, milli deilda leikskólans og milli leikskólastjóra og deildarinnar.
  • Hefur umsjón með móttöku, þjálfun og leiðsögn nýrra starfsmanna deildarinnar.
  • Ber ábyrgð á að unnið sé eftir skólanámskrá og ársáætlun leikskólans á deildinni.
  • Skipuleggur og vinnur að einstaklingsmiðuðu uppeldi og menntun barnanna í samstarfi við samstarfsfólk.
  • Ber ábyrgð á og tekur þátt í skipulagi og verkefnum deildarinnar/skólans m.a. í þróunarverkefnum, foreldrasamstarfi, samstarfi við aðrar stofnannir, á starfsmannafundum o.fl. 

Laun eru samkvæmt kjarasamningi Launanefndar sveitarfélaga og FL.

Karlar jafnt sem konur eru hvött til að sækja um starfið. 

Þeir sem eru ráðnir til starfa í leikskólum Kópavogs þurfa að skila inn sakavottorði.

Viltu vita meira ? 

Hafðu þá samband við Guðnýju Önnu leikskólastjóra í síma 441 5101 eða 898 9092.

 

 

 

 

 

 

Umsóknarfrestur:

26.08.2019

Auglýsing stofnuð:

08.08.2019

Staðsetning:

Austurkór 1, 203 Kópavogur

Starfstegund:

Fullt starf


Starfsgreinar
Kennsla og rannsóknir

Starfsmerkingar
Deila starfi Senda póst Messenger

Vertu í sambandi