Deildarstjóri vefverslana

Við leitum að þjónustulunduðum leiðtoga til að leiða deild vefverslana Advania. Deildin er hluti af nýju retail sviði Advania þar sem öll þekking, vöruframboð og þjónusta við retail viðskiptavini kemur saman á einu sviði.

Frábært tækifæri til að vinna með reynslumiklu teymi og aðstoða íslenskar verslanir við að taka réttu skrefin inn í vefheima.

Starfssvið

Deildarstjóri vefverslana fer fyrir sterkum hópi sérfræðinga og ber ábyrgð á skipulagi deildarinnar og þjálfun og þróun starfsmanna. Í starfinu felast samskipti við viðskiptavini, sala og ráðgjöf á vefverslana-lausnum Advania (Dynamic Web), forðastýring verkefna, áætlanagerð og ábyrgð á vöruframboði. Að auki felur starfið í sér stöðug úrbótaverkefni til að auka bæði skilvirkni og gæði þjónustunnar.

Hæfniskröfur

• Háskólapróf í tölvunarfræði, verkfræði, viðskiptafræði eða önnur menntun sem nýtist í starfi
• Yfirgripsmikil þekking og reynsla af sölu, umsjón með eða uppsetningu vefverslana
• Reynsla af ráðgjöf og verkefnastjórnun
• Þekking á Dynamic Web vefverslanakerfinu er kostur
• Frumkvæði og sjálfstæði í vinnubrögðum
• Rík þjónustulund og hæfni í mannlegum samskiptum

Aðrar upplýsingar

Advania er alhliða þjónustufyrirtæki í upplýsingatækni og svara lausnir fyrirtækisins þörfum tugþúsunda viðskiptavina í atvinnulífinu. Advania er fjölskylduvænn vinnustaður og er vinnutíminn sveigjanlegur. Virk jafnréttisstefna og samgöngustefna er hjá fyrirtækinu. Ef þú leitar að spennandi verkefnum, góðu vinnuumhverfi og hressum vinnufélögum, þá finnurðu það hjá okkur. Við viljum nefnilega vera besti vinnustaður landsins.

Ferli ráðninga

1. Tekið á móti umsóknum til 13. desember 2018
2. Yfirferð umsókna
3. Boðað í fyrstu viðtöl
4. Boðað í seinni viðtöl
5. Verkefni eða próf lögð fyrir ef við á
6. Öflun umsagna / meðmæla
7. Ákvörðun um ráðningu
8. Öllum umsóknum svarað

Starfsmenn mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Högni Hallgrímsson, forstöðumaður Retail og afgreiðslulausna, hogni.hallgrimsson@advania.is, 440 9000.