Hrafnista

Hrafnista er stærsta hjúkrunarheimili landsins og alls eru heimilin átta talsins í fimm sveitarfélögum. Þau eru Hrafnista Laugarási, Hraunvangi, Boðaþingi, Ísafold, Skógabæ, Sléttuvegi, Hlévangi og Nesvöllum. Hjá Hrafnistu starfar öflugur hópur einstaklinga með fjölbreytta menntun, starfsreynslu og með fjölbreyttan bakgrunn. Ef þú hefur áhuga á að bætast í Hrafnistuhópinn skaltu endilega senda inn umsókn, Hlökkum til að heyra frá þér.

Vinnustaðurinn

Aðstoðarhjúkrunardeildarstjóri - Hraunvangur

Ert þú samviskusamur og skipulagður hjúkrunarfræðingur í leit að nýju starfstækifæri? Hefur þú áhuga á að prófa þig áfram í stjórnunarstöðu en vilt á sama tíma fá að sinna hjúkrun?

Þá erum við mögulega að leita að þér.

Hrafnista Hraunvangi óskar eftir að ráða til sín aðstoðardeildarstjóra hjúkrunar í 90-100% starf.

Aðstoðarhjúkrunardeildarstjóri er staðgengill deildarstjóra í fjarveru hans og aðstoðar við ýmis verkefni tengd rekstri og stjórnun deildar. Aðstoðarhjúkrunardeildarstjórar eru sömuleiðis með ákveðin fagleg ábyrgðarsvið á deildinni og er vaktafyrirkomulag eftir samkomulagi.

Aðstoðarhjúkrunardeildarstjóri er hluti af stjórnendahópi Hrafnistu.

Helstu verkefni og ábyrgð

Aðstoð við stjórnun og rekstur hjúkrunardeildar
Skipulag á störfum starfsfólks í samræmi við þarfir þjónustuþega
Eftirlit og mat á gæðum hjúkrunar
Ráðgjöf og fræðsla til þjónustuþega og aðstandenda
Teymisvinna

Menntunar- og hæfniskröfur

Íslenskt hjúkrunarleyfi
Reynsla af stjórnun kostur
Reynsla af RAI mælitækinu kostur
Frumkvæði, jákvæðni og faglegur metnaður
Góð hæfni í mannlegum samskiptum

Fríðindi í starfi

Heilsuræktarstyrkur
Samgöngustyrkur með strætó
Stuðningur til framþróunar í formi leyfa á launum og námstyrkja
Við bjóðum upp á jákvæðan og skemmtilegan starfsanda, áhugaverð verkefni og starf sem er í sífelldri þróun.

Hrafnista Hraunvangi er eitt átta heimila Hrafnistu og jafnframt það stærsta en þar búa að jafnaði 199 íbúar. Heimilinu er skipt upp í fjórar hjúkrunardeildir og á hverri deild búa 42-53 íbúar.

Hrafnista rekur átta hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur, Hlévangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar -

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Nánari upplýsingar um starfið veitir Hrönn Ögmundsdóttir hjúkrunardeildarstjóri ([email protected])

Auglýsing birt27. febrúar 2025

Umsóknarfrestur10. mars 2025

Tungumálahæfni