Algalíf er framsækið líftæknifyrirtæki, stofnað árið 2012 og þróast hratt í að verða einn stærsti og tæknilegasti örþörungaframleiðandi í heiminum. Fyrirtækið hefur aðsetur á Ásbrú í Reykjanesbæ og þar starfa tæplega sjötíu manns, með fjölbreyttan bakgrunn og menntunarstig. Hjá Algalíf er lögð rík áhersla á gott starfsumhverfi sem styður við öfluga liðsheild og metnaðarfullt starf. Starfsfólk er hvatt til að taka þátt í að skapa spennandi framtíð og fær tækifæri til að vaxa og dafna í starfi. Rík áhersla er á lögð í vellíðan og farsæld starfsfólks og góðum aðbúnaði. Á vinnustaðnum er starfrækt mötuneyti með niðurgreiddum hádegismat. Starfsfólk nýtur styrkja sem hægt er að nota til líkamsræktar, námskeiða eða annars náms. Erlendir starfsmenn fá að fullu niðurgreidd íslensku námskeið. Á svæðinu eru hleðslustöðvar fyrir rafbíla sem starfsfólk getur nýtt sér án endurgjalds. Þessi fríðindi og þjónusta skapa heildstætt og jákvætt vinnuumhverfi þar sem starfsfólk getur einbeitt sér að því að skila góðum árangri og fundið fyrir vellíðan í daglegu starfi.