Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Profil pracodawcy

Oddeyrarskóli á Akureyri: Húsvörður

Laus er til umsóknar 100% staða húsvarðar í Oddeyrarskóla. Um ótímabundna ráðningu er að ræða. Ráðið er í starfið frá 1. ágúst 2026.

Í Oddeyrarskóla vinnum við saman að því að skapa skólasamfélag sem nær árangri. Það einkennist af jákvæðum skólabrag, áhugasömum og metnaðarfullum einstaklingum. Oddeyrarskóli er heilsueflandi grunnskóli. Unnið er eftir hugmyndafræði SMT og eru einkunnarorð skólans ábyrgð, virðing og vinátta. Oddeyrarskóli er við Víðivelli á Akureyri og er fjöldi nemenda um 165.

Viltu vita meira? Kíktu í rafræna heimsókn www.oddeyrarskoli.is

Leitað er að jákvæðum, lausnamiðuðum og samviskusömum einstaklingi með mikinn metnað, sem sýnt hefur árangur í störfum sínum.

Helstu verkefni og ábyrgð

Umsjón og viðhald á húseign og lóð skólans, tækjum og innanstokksmunum og er tengiliður við Umhverfis- og mannvirkjasvið þar að lútandi.
Er verkstjóri og næsti yfirmaður skólaliða skv. skipuriti og ber því ábyrgð á skipulagningu ræstinga innan skólans og einnig að vera í samskiptum við þrifafyrirtækið sem sér um ræstingu á skólanum.
Tekur þátt í skipulagningu gæslu nemenda, hefur umsjón með sorpflokkun, snjómokstri, hálkueyðingu o.fl.
Umsjón með búnaði skólans.
Umsjón með útleigu á húseigninni.
Húsvörður sinnir einnig öðrum þeim verkefnum sem skólastjóri kann að fela honum, enda samrýmist þau starfssviði hans, s.s. tilfallandi eftirlit utan hefðbundins vinnutíma.

Menntunar- og hæfniskröfur

Hefur reynslu af minniháttar viðhaldi húsa og lóða.
Hefur áhuga á að starfa með börnum og á auðvelt með samskipti við börn og fullorðna.
Hefur þokkalega þekkingu á tæknibúnaði og tölvukerfum.
Góð samskiptafærni og og þjónustulund.
Hefur reynslu af verkstjórn.
Sjálfstæði og frumkvæði í vinnubrögðum.
Skipulagshæfileikar og snyrtimennska.
Góð íslenskukunnátta bæði í töluðu og rituðu máli.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kjalar.

Upplýsingar um kaup og kjör veitir launadeild Akureyrarbæjar [email protected]

Nánari upplýsingar um starfið veitir Anna Bergrós Arnarsdóttir skólastjóri í síma 460-9550 eða [email protected]

Einungis er tekið á móti rafrænum umsóknum.

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9.

Umsóknarfrestur er til og með 22. júní 2026.

Utworzono ofertę pracy8. June 2026

Termin nadsyłania podań22. June 2026

Znajomość języków