Hveragerðisbær

Hveragerði er ört vaxandi sveitarfélag þar sem íbúar eru um 3.000. Höfuðborgarsvæðið er í um 30 mínútna akstursfjarlægð. Öll þjónusta í bæjarfélaginu er eins og best verður á kosið, glæsilegir leikskólar, metnaðarfullur grunn- og tónlistarskóli og framhaldsskóli innan seilingar. Íþrótta- og menningarlíf í miklum blóma og umhverfi bæjarins gefur kost á fjölbreyttri útivist í einstöku umhverfi.

Profil pracodawcy

Hveragerðisbær leitar að ráðgjafaþroskaþjálfa til að starfa á velferðarsviði

Hveragerðisbæjar óskar eftir að ráða metnaðarfullan og drífandi ráðgjafaþroskaþjálfa til starfa á velferðarsviði

Ráðgjafaþroskaþjálfi starfar innan velferðarsviðs með áherslu á ráðgjöf, stuðning og málastjórn í málefnum fatlaðs fólks. Starfið nær bæði til fatlaðra barna og fjölskyldna þeirra samkvæmt lögum um samþættingu þjónustu í þágu farsældar barna og til fatlaðs fullorðins fólks samkvæmt lögum um þjónustu við fatlað fólk með langvarandi stuðningsþarfir. Starfið felur í sér náið samstarf við notendur þjónustunnar, aðstandendur og samstarfsaðila innan og utan sveitarfélagsins.

Næsti yfirmaður ráðgjafaþroskaþjálfa er sviðsstjóri velferðarsviðs.

Starfshlutfall er 90% og æskilegt er að viðkomandi geti hafið störf 1. ágúst nk.

Helstu verkefni og ábyrgð

Ráðgjöf, stuðningur og eftirfylgni við þjónustuþega í málaflokknum.

Málastjórn og þátttaka í samþættingu þjónustu samkvæmt lögum um farsæld barna.

Mat á þjónustuþörfum og þátttaka í gerð einstaklingsbundinna þjónustu- og stuðningsáætlana.

Umsjón og eftirfylgni með þjónustu samkvæmt lögum um þjónustu við fatlað fólk með langvarandi stuðningsþarfir. Ásamt annarri stjórnsýslulegri skjalavinnslu.

Samvinna og samhæfing við skóla, heilbrigðisþjónustu, stofnanir, þjónustuveitendur og aðra samstarfsaðila.

Þátttaka í þróun og eflingu þjónustu við fatlað fólk innan sveitarfélagsins.

Stuðla að því að notendur njóti á hverjum tíma þeirrar þjónustu sem best mætir þörfum þeirra og eykur þátttöku þeirra í samfélaginu.

Menntunar- og hæfniskröfur

Háskólamenntun í þroskaþjálfafræðum og gilt starfsleyfi sem þroskaþjálfi er skilyrði.
Reynsla af vinnu með fötluðum börnum, fjölskyldum og/eða fötluðu fullorðnu fólki er kostur.

Þekking og reynsla af störfum innan félagsþjónustu sveitarfélaga er æskileg.

Þekking á lögum um þjónustu við fatlað fólk með langvarandi stuðningsþarfir og lögum um samþættingu þjónustu í þágu farsældar barna er æskileg.

Þekking og reynsla af notkun OneCRM eða sambærilegra málaskráningarkerfa er kostur.

Færni til að greina og túlka flóknar upplýsingar og vinna þjónustu- og stuðningsáætlanir.

Frumkvæði, sjálfstæði og góð skipulagshæfni.

Geta til þess að vinna undir álagi.

Framúrskarandi samskipta- og samstarfshæfni er skilyrði.

Reynsla af teymisvinnu er kostur

Þekking á sviði opinberrar stjórnsýslu og vinnslu stjórnsýslumála er kostur.

Mjög góð íslenskukunnátta í ræðu og riti, að lágmarki C1 samkvæmt evrópska tungumálarammanum er skilyrði

Gerð er krafa um hreint sakavottorð samkvæmt lögum og reglum.

Umsóknum skulu fylgja starfsferilskrá og kynningarbréf þar sem gerð er grein fyrir reynslu, áhuga á starfinu og rökstuðning fyrir hæfni umsækjanda miðað við framangreindar kröfur. Um er að ræða framtíðarstarf með 6 mánaða reynslutíma.

Við ákvörðun um ráðningu verður, auk framangreindra hæfnisviðmiða, tekið mið af frammistöðu í starfsviðtölum og umsagna frá umsagnaraðilum.

Umsóknarfrestur er til 30. júní 2026

Nánari upplýsingar veitir Erna Harðar Solveigardóttir, sviðsstjóri velferðarsviðs, í síma 480-4000 eða á netfanginu [email protected].

Laun eru greidd samkvæmt gildandi kjarasamningi Sambands íslenskra sveitarfélaga og viðkomandi stéttarfélags.

Hveragerðisbær hvetur öll áhugasöm til að sækja um starfið, óháð kyni, aldri, uppruna eða öðrum persónubundnum þáttum.

Utworzono ofertę pracy9. June 2026

Termin nadsyłania podań30. June 2026

Znajomość języków