Sænska framhald

Um námskeiðið

Námskeiðið er ætlað þeim sem hafa lokið sænsku 1 eða hafa einhvern grunn í sænsku t.d. í gegnum sjálfsnám eða dvöl í Svíþjóð. 

Byrjað er á að fara í stutta upprifjun á því sem nemendur hafa lært áður. Orðaforði og skilningur er aukinn og meira er lagt upp úr þjálfun í talmáli. Nemendur gera heimaverkefni milli kennslustunda og kennari fer yfir og leiðréttir. Ef nemendur vilja þá kynna þeir verkefnin fyrir hópnum og þannig geta skapast umræður um viðkomandi málefni. Öll kennsla og útskýringar kennara munu fara fram á sænsku.

Þetta námskeið er á stigi A-1/A-2 skv. evrópska tungumálarammanum.