Endurmenntun HÍ er í fararbroddi í endur-og símenntun á Íslandi, lifandi vettvangur sem tengir Háskóla Íslands, atvinnulíf og samfélag og skapar fjölbreytt umhverfi náms fyrir öll þau sem vilja efla hæfni og þekkingu í lífi og starfi.

Með víðtæku samstarfi, öflugri nýsköpun og fagmennsku þjónar Endurmenntun HÍ áhuga og þörfum einstaklinga, atvinnulífs og samfélags á hverjum tíma.

Hlutverk Endurmenntunar HÍ er að stuðla að betra samfélagi með því að efla þekkingu og hæfni, tengja fólk og skapa tækifæri.

Endurmenntun HÍ

Námskeiðið er ætlað einstaklingum sem eru að huga að því að ljúka starfsævi, eru að minnka við sig vinnu eða eru þegar hættir á vinnumarkaði.
Þetta eru stór tímamót í lífi fólks sem fela í sér endalok en einnig nýtt upphaf. Á þessu námskeiði verður lagt upp úr því að taka fagnandi á móti því sem koma skal og farið í leiðir til að gera næsta skeið að besta tímabili ævinnar. Markmið námskeiðs er að þátttakendur læri leiðir til að auka vellíðan, hamingju, gleði og bjartsýni. Jafnframt er fjallað um hagnýt atriði líkt og fjármál, lífeyris- og erfðamál. Aukin þekking gefur betri yfirsýn og öryggi þannig að auðveldara er að aðlaga sig að breyttu lífsmynstri. 

Námskeiðið er ætlað einstaklingum sem eru að huga að því að ljúka starfsævi, eru að minnka við sig vinnu eða eru þegar hættir á vinnumarkaði.
Þetta eru stór tímamót í lífi fólks sem fela í sér endalok en einnig nýtt upphaf. Á þessu námskeiði verður lagt upp úr því að taka fagnandi á móti því sem koma skal og farið í leiðir til að gera næsta skeið að besta tímabili ævinnar. Markmið námskeiðs er að þátttakendur læri leiðir til að auka vellíðan, hamingju, gleði og bjartsýni. Jafnframt er fjallað um hagnýt atriði líkt og fjármál, lífeyris- og erfðamál. Aukin þekking gefur betri yfirsýn og öryggi þannig að auðveldara er að aðlaga sig að breyttu lífsmynstri.

Af krafti inn í starfslokin

Á námskeiðinu verður farið yfir undirstöður þess að setja börnum á leikskólaaldri mörk á kærleiksríkan máta, hagnýtar aðferðir og mikilvægi samstöðu foreldra.
Að setja börnum mörk er mikilvægur þáttur í uppeldi og námi hvers barns. Á leikskólaaldri er grunnur lagður að samskiptafærni, hegðun og líðan barna sem fylgir þeim oft á tíðum út ævina. Mikilvægt er að foreldrar séu vel í stakk búnir að takast á við þær áskoranir sem fylgja því að setja börnum á leikskólaaldri mörk, geti fylgt þeim eftir og standi saman í uppeldinu.

Á námskeiðinu verður farið yfir undirstöður þess að setja börnum á leikskólaaldri mörk á kærleiksríkan máta, hagnýtar aðferðir og mikilvægi samstöðu foreldra.
Að setja börnum mörk er mikilvægur þáttur í uppeldi og námi hvers barns. Á leikskólaaldri er grunnur lagður að samskiptafærni, hegðun og líðan barna sem fylgir þeim oft á tíðum út ævina. Mikilvægt er að foreldrar séu vel í stakk búnir að takast á við þær áskoranir sem fylgja því að setja börnum á leikskólaaldri mörk, geti fylgt þeim eftir og standi saman í uppeldinu.

Kærleiksrík mörk í uppeldi leikskólabarna

Farið verður yfir skilgreiningar á færniþáttum/málþáttum sem einkenna þroska barna. Bent verður á hagnýtar lausnir til þess að mæta þörfum barna sem sýna frávik á þessum þáttum. Leitast verður við að gefa þátttakendum verkfæri og hugmyndir til þess að nota í daglegum aðstæðum í skólanum. Sérstaklega verður fjallað um skipulag í leikskólum, uppbyggingu málörvunarhópa og undirbúning fyrir lestur eftir skráningu með TRAS.
Sýnt hefur verið fram á að með því að beita aðferðum snemmtækrar íhlutunar er hægt að draga úr og jafnvel koma í veg fyrir námsörðugleika. Með því að skrá málþroska ungra barna í daglegum aðstæðum og skilgreina málþroskafrávik aukum við möguleika á því að vinna markvisst að því að styrkja málþroska út frá viðeigandi færniþáttum. Einnig hefur það áhrif á valdeflingu fyrir starfsfólk leikskólans að fá betri yfirsýn yfir verkfæri og hugmyndir til þess að styrkja mál- og félagsþroska ungra barna með viðeigandi íhlutun.

Farið verður yfir skilgreiningar á færniþáttum/málþáttum sem einkenna þroska barna. Bent verður á hagnýtar lausnir til þess að mæta þörfum barna sem sýna frávik á þessum þáttum. Leitast verður við að gefa þátttakendum verkfæri og hugmyndir til þess að nota í daglegum aðstæðum í skólanum. Sérstaklega verður fjallað um skipulag í leikskólum, uppbyggingu málörvunarhópa og undirbúning fyrir lestur eftir skráningu með TRAS.
Sýnt hefur verið fram á að með því að beita aðferðum snemmtækrar íhlutunar er hægt að draga úr og jafnvel koma í veg fyrir námsörðugleika. Með því að skrá málþroska ungra barna í daglegum aðstæðum og skilgreina málþroskafrávik aukum við möguleika á því að vinna markvisst að því að styrkja málþroska út frá viðeigandi færniþáttum. Einnig hefur það áhrif á valdeflingu fyrir starfsfólk leikskólans að fá betri yfirsýn yfir verkfæri og hugmyndir til þess að styrkja mál- og félagsþroska ungra barna með viðeigandi íhlutun.

Markvissar aðgerðir í kjölfar TRAS

Á námskeiðinu verður farið yfir helstu hugtök í veðurfræði og veðurspám, þátttakendur fá leiðbeiningar í lestri og túlkun veðurspáa og viðvarana og læra að afla sér réttra gagna miðað við þarfir hvers og eins.
Farið verður yfir helstu hugtök í almennri veðurfræði og þau hugtök sem helst nýtast almenningi til að nýta þær upplýsingar sem liggja fyrir í veðurspám, bæði á vefnum, í sjónvarpi og útvarpi. Farið verður yfir viðvaranir, þýðingu þeirra og mismunandi áherslur. Þá verður farið í sértæka hluti eins og áhrif landslags á staðbundið veðurfar, þann tímaskala sem hægt er að nota í veðurspám og hvernig túlkun og áreiðanleiki spáa breytist með tíma.
Öflun veðurgagna og túlkun þeirra verður líka hluti námskeiðsins, bæði að sækja einfaldar mælingar og lesa úr en einnig verður farið yfir hvernig hægt er að sækja og túlka langtímaraðir nokkurra athugunarstöðva á Íslandi.

Á námskeiðinu verður farið yfir helstu hugtök í veðurfræði og veðurspám, þátttakendur fá leiðbeiningar í lestri og túlkun veðurspáa og viðvarana og læra að afla sér réttra gagna miðað við þarfir hvers og eins.
Farið verður yfir helstu hugtök í almennri veðurfræði og þau hugtök sem helst nýtast almenningi til að nýta þær upplýsingar sem liggja fyrir í veðurspám, bæði á vefnum, í sjónvarpi og útvarpi. Farið verður yfir viðvaranir, þýðingu þeirra og mismunandi áherslur. Þá verður farið í sértæka hluti eins og áhrif landslags á staðbundið veðurfar, þann tímaskala sem hægt er að nota í veðurspám og hvernig túlkun og áreiðanleiki spáa breytist með tíma.
Öflun veðurgagna og túlkun þeirra verður líka hluti námskeiðsins, bæði að sækja einfaldar mælingar og lesa úr en einnig verður farið yfir hvernig hægt er að sækja og túlka langtímaraðir nokkurra athugunarstöðva á Íslandi.

Almenn veðurfræði og hagnýtar veðurspár

Vilt þú byggja upp öflugt og árangursríkt teymi?
Rannsóknir sýna að áhrif umhverfis eru mikil og styðja við að teymi séu framúrskarandi. Stjórnendur sem byggja upp starfsumhverfi þar sem markmiðin eru skýr og sálrænt öryggi ríkir, sjá meiri árangur.
Á þessu námskeiði fá þátttakendur innsýn inn í mikilvægi starfsumhverfisins og áhrif þess á liðsheild og samvinnu. Fjallað verður um þá þætti sem eru nauðsynlegir til þess að byggja upp umhverfi sálræns öryggis og jákvæðrar menningar.

Vilt þú byggja upp öflugt og árangursríkt teymi?
Rannsóknir sýna að áhrif umhverfis eru mikil og styðja við að teymi séu framúrskarandi. Stjórnendur sem byggja upp starfsumhverfi þar sem markmiðin eru skýr og sálrænt öryggi ríkir, sjá meiri árangur.
Á þessu námskeiði fá þátttakendur innsýn inn í mikilvægi starfsumhverfisins og áhrif þess á liðsheild og samvinnu. Fjallað verður um þá þætti sem eru nauðsynlegir til þess að byggja upp umhverfi sálræns öryggis og jákvæðrar menningar.

Framúrskarandi teymi

Hvernig á stjórnandi að bregðast við tilkynningu um EKKO: einelti, kynbundin áreitni, kynferðisleg áreitni eða ofbeldi á vinnustað?
Á námskeiðinu er farið yfir þau lög og reglur sem gilda um félagslega vinnuumhverfið. Fjallað er um þá verkferla sem eiga að vera til staðar á vinnustað og hvernig stjórnendur eiga að bera sig að þegar upp koma samskiptavandamál eða tilkynnt er um atvik sem talist geta einelti, kynbundin áreitni, kynferðisleg áreitni eða ofbeldi.
Stjórnendur fá innsýn í dómaframkvæmd og þannig skýra sýn á þann ávinning sem skapast af því að hafa góða verkferla á vinnustaðnum og nauðsyn þess að stjórnendur þekki hvernig bregðast skal við þegar tilkynnt er um einelti, ofbeldi eða áreitni á vinnustaðnum.

Hvernig á stjórnandi að bregðast við tilkynningu um EKKO: einelti, kynbundin áreitni, kynferðisleg áreitni eða ofbeldi á vinnustað?
Á námskeiðinu er farið yfir þau lög og reglur sem gilda um félagslega vinnuumhverfið. Fjallað er um þá verkferla sem eiga að vera til staðar á vinnustað og hvernig stjórnendur eiga að bera sig að þegar upp koma samskiptavandamál eða tilkynnt er um atvik sem talist geta einelti, kynbundin áreitni, kynferðisleg áreitni eða ofbeldi.
Stjórnendur fá innsýn í dómaframkvæmd og þannig skýra sýn á þann ávinning sem skapast af því að hafa góða verkferla á vinnustaðnum og nauðsyn þess að stjórnendur þekki hvernig bregðast skal við þegar tilkynnt er um einelti, ofbeldi eða áreitni á vinnustaðnum.

Viðbrögð við tilkynningu um EKKO á vinnustað

Skipulagsmál eru spennandi og mikilvæg en um leið krefjandi og jafnvel flókin. Í skipulagi er sett stefna um fyrirkomulag byggðar og mótun umhverfis og þar er landi ráðstafað fyrir mismunandi nýtingu. Teknar eru ákvarðanir og ákvæði sett um hönnun hins byggða umhverfis. Sveitarfélögum ber skylda til að taka faglegar og gagnsæjar skipulagsákvarðanir með aðkomu íbúa og hagaðila.
Á námskeiðinu verður farið yfir tilgang og markmið skipulagsgerðar, helstu hugtök í skipulagi, mismunandi gerðir skipulags og skipulagsferlið. Fjallað verður um áhrif skipulags á umhverfi og samfélag og aðkomu íbúa og annarra aðila að skipulagsgerðinni. Jafnframt er fjallað um ýmis tæki og tól sem notuð eru við skipulagsgerð.
Markmið námskeiðsins er að auka þekkingu þátttakenda á skipulagsmálum. Námskeiðinu er ætlað að veita ákveðna yfirsýn um skipulagsmál, auka skipulagslæsi og færni til þátttöku í skipulagsgerð. Tekin verða dæmi til útskýringar og stuðnings á viðfangsefninu.

Skipulagsmál eru spennandi og mikilvæg en um leið krefjandi og jafnvel flókin. Í skipulagi er sett stefna um fyrirkomulag byggðar og mótun umhverfis og þar er landi ráðstafað fyrir mismunandi nýtingu. Teknar eru ákvarðanir og ákvæði sett um hönnun hins byggða umhverfis. Sveitarfélögum ber skylda til að taka faglegar og gagnsæjar skipulagsákvarðanir með aðkomu íbúa og hagaðila.
Á námskeiðinu verður farið yfir tilgang og markmið skipulagsgerðar, helstu hugtök í skipulagi, mismunandi gerðir skipulags og skipulagsferlið. Fjallað verður um áhrif skipulags á umhverfi og samfélag og aðkomu íbúa og annarra aðila að skipulagsgerðinni. Jafnframt er fjallað um ýmis tæki og tól sem notuð eru við skipulagsgerð.
Markmið námskeiðsins er að auka þekkingu þátttakenda á skipulagsmálum. Námskeiðinu er ætlað að veita ákveðna yfirsýn um skipulagsmál, auka skipulagslæsi og færni til þátttöku í skipulagsgerð. Tekin verða dæmi til útskýringar og stuðnings á viðfangsefninu.

Skipulagsmál

Á þessu fræðslunámskeiði verður leitast við að svara algengum spurningum umönnunaraðila um svefn barna á leikskólaaldri. Af hverju er svefn mikilvægur? Hversu mikinn svefn þurfa börn að jafnaði? Hvað telst til svefnerfiðleika? Hvaða umhverfisþættir geta ýtt undir og viðhaldið svefnerfiðleikum? Hvaða hlutverk spilar daglúrinn og hvenær á að taka hann út? Hvað eru góðar svefnvenjur? Hvað er til ráða ef barn fæst ekki í rúmið, er lengi að sofna, þarf aðstoð við það eða getur ekki sofið í sínu rúmi? Þetta eru spurningar sem allir umönnunaraðilar barna á leikskólaaldri ættu að geta nýtt sér svör við, sama hvort þeir eiga börn á leikskólaaldri sem eru að glíma við svefnerfiðleika eða vilja fyrirbyggja að eðlilegar svefntruflanir endi sem langvarandi svefnerfiðleikar.

Á þessu fræðslunámskeiði verður leitast við að svara algengum spurningum umönnunaraðila um svefn barna á leikskólaaldri. Af hverju er svefn mikilvægur? Hversu mikinn svefn þurfa börn að jafnaði? Hvað telst til svefnerfiðleika? Hvaða umhverfisþættir geta ýtt undir og viðhaldið svefnerfiðleikum? Hvaða hlutverk spilar daglúrinn og hvenær á að taka hann út? Hvað eru góðar svefnvenjur? Hvað er til ráða ef barn fæst ekki í rúmið, er lengi að sofna, þarf aðstoð við það eða getur ekki sofið í sínu rúmi? Þetta eru spurningar sem allir umönnunaraðilar barna á leikskólaaldri ættu að geta nýtt sér svör við, sama hvort þeir eiga börn á leikskólaaldri sem eru að glíma við svefnerfiðleika eða vilja fyrirbyggja að eðlilegar svefntruflanir endi sem langvarandi svefnerfiðleikar.

Svefn leikskólabarna

Í um átta aldir, frá 711 til 1492, réðu múslimar að meira eða minna leyti yfir Íberíuskaga, þar sem í dag eru Spánn og Portúgal, og kölluðu ríki sitt Al-Andalus. Í námskeiðinu munum við fara yfir helstu tímabil og atburði sem mótuðu þá sögu og skoða ýmsar merkar minjar á sviðum byggingarlistar, bókmennta, lista og fræða.
Á þessu námskeiði verður farið yfir tæplega átta hundruð ára sögu múslima á Spáni. Meðal umfjöllunarefna verður aðdragandi og framvinda innrásar múslima á Íberíuskaga árið 711, ríki múslima og blómaskeið þess næstu aldir, uppgang lista, bókmennta, byggingarlistar og fræða, mikilvægi arabíska tungumálsins og þýðingar á verkum arabískra fræðimanna á latínu. Sérstakri athygli verður beint að merkustu minjum þessa tímabils eins og Alhambra í Granada og moskunni í Cordoba. Einnig munum við skoða hvernig hugmyndir Evrópumanna um íslam og múslima mótuðust að hluta til vegna kynna þeirra af múslimum á Spáni, og hvernig kristin samfélög náðu yfirhöndinni á Íberíuskaga á síðmiðöldum. Að lokum verður arfleifð Al-Andalus skoðuð, hvernig það hefur innblásið bókmenntir, fræði og tónlist síðari tíma, og svo hvernig Spánverjar og aðrir túlka þessa áhugaverðu og umdeildu fortíð.

Í um átta aldir, frá 711 til 1492, réðu múslimar að meira eða minna leyti yfir Íberíuskaga, þar sem í dag eru Spánn og Portúgal, og kölluðu ríki sitt Al-Andalus. Í námskeiðinu munum við fara yfir helstu tímabil og atburði sem mótuðu þá sögu og skoða ýmsar merkar minjar á sviðum byggingarlistar, bókmennta, lista og fræða.
Á þessu námskeiði verður farið yfir tæplega átta hundruð ára sögu múslima á Spáni. Meðal umfjöllunarefna verður aðdragandi og framvinda innrásar múslima á Íberíuskaga árið 711, ríki múslima og blómaskeið þess næstu aldir, uppgang lista, bókmennta, byggingarlistar og fræða, mikilvægi arabíska tungumálsins og þýðingar á verkum arabískra fræðimanna á latínu. Sérstakri athygli verður beint að merkustu minjum þessa tímabils eins og Alhambra í Granada og moskunni í Cordoba. Einnig munum við skoða hvernig hugmyndir Evrópumanna um íslam og múslima mótuðust að hluta til vegna kynna þeirra af múslimum á Spáni, og hvernig kristin samfélög náðu yfirhöndinni á Íberíuskaga á síðmiðöldum. Að lokum verður arfleifð Al-Andalus skoðuð, hvernig það hefur innblásið bókmenntir, fræði og tónlist síðari tíma, og svo hvernig Spánverjar og aðrir túlka þessa áhugaverðu og umdeildu fortíð.

Al-Andalus: Saga múslima á Íberíuskaga

Viðskiptalífið á mikið undir því að reikningsskil félaga séu trúverðug og endurspegli þann veruleika sem þau starfa í. Hvað segja ársreikningar félaganna okkur? Eins má spyrja: hvað segja þeir okkur ekki?
Námskeiðinu er ætlað að taka á báðum þessum sjónarhornum og leitast við að ljá þátttakendum notadrjúg verkfæri til að ljúka upp leyndardómum reikningsskilanna.
Fjallað er um helstu aðferðir við greiningu ársreikninga og hvaða ólíkum tilgangi þær þjóna. Urmull kennitalna verður skoðaður og bent á notagildi þeirra og jafnframt takmarkanir. Dæmi verða tekin úr ársreikningum íslenskra félaga. Mikið er lagt upp úr að þátttakendur treysti kennitölum ekki í blindni, heldur geri sér grein fyrir því hvað þær mæla og hvað getur skekkt boðskap þeirra.

Viðskiptalífið á mikið undir því að reikningsskil félaga séu trúverðug og endurspegli þann veruleika sem þau starfa í. Hvað segja ársreikningar félaganna okkur? Eins má spyrja: hvað segja þeir okkur ekki?
Námskeiðinu er ætlað að taka á báðum þessum sjónarhornum og leitast við að ljá þátttakendum notadrjúg verkfæri til að ljúka upp leyndardómum reikningsskilanna.
Fjallað er um helstu aðferðir við greiningu ársreikninga og hvaða ólíkum tilgangi þær þjóna. Urmull kennitalna verður skoðaður og bent á notagildi þeirra og jafnframt takmarkanir. Dæmi verða tekin úr ársreikningum íslenskra félaga. Mikið er lagt upp úr að þátttakendur treysti kennitölum ekki í blindni, heldur geri sér grein fyrir því hvað þær mæla og hvað getur skekkt boðskap þeirra.

Greining ársreikninga

Á námskeiðinu verður farið yfir skilgreiningar á samkennd og hvað aðgreinir samkennd frá samlíðan og samhygð. Frætt verður um tilfinningakerfin þrjú út frá samkenndarmiðaðri meðferð þróuð af Paul Gilberts. Tilfinningakerfin þrjú saman standa af drifkerfi, ógnarkerfi og sefkerfi og velferð felur í sér að finna jafnvægi á milli þessara kerfa. 
Fræðsla um þrjár meginstoðir samkenndar sem Kristín Neff, leiðandi vísindakona í rannsóknum á samkennd í eigin garð, setti fram og hvernig samstarfsmaður hennar, dr. Christopher Germar, notast við þessa þætti og skoðar hvað nærir samkennd og hvað dregur úr samkennd í félagslegu samhengi. 

Á námskeiðinu verður farið yfir skilgreiningar á samkennd og hvað aðgreinir samkennd frá samlíðan og samhygð. Frætt verður um tilfinningakerfin þrjú út frá samkenndarmiðaðri meðferð þróuð af Paul Gilberts. Tilfinningakerfin þrjú saman standa af drifkerfi, ógnarkerfi og sefkerfi og velferð felur í sér að finna jafnvægi á milli þessara kerfa. 
Fræðsla um þrjár meginstoðir samkenndar sem Kristín Neff, leiðandi vísindakona í rannsóknum á samkennd í eigin garð, setti fram og hvernig samstarfsmaður hennar, dr. Christopher Germar, notast við þessa þætti og skoðar hvað nærir samkennd og hvað dregur úr samkennd í félagslegu samhengi.

Að huga að öðrum án þess að tapa sjálfum sér

Á námskeiðinu er fjallað um helstu atriði laga um opinber innkaup og er námskeiðið því grundvallarnámskeið fyrir þá sem vinna við opinber innkaup eða tilboðsgerð í opinberum útboðum.
Á námskeiðinu verður m.a. skoðað hvaða hæfiskröfur má gera til fyrirtækja, hvað ber að hafa í tæknilýsingu og hvaða valforsendur eru leyfilegar þegar valið er á milli tilboða. Þá verða mismunandi innkaupaferlar kynntir og hvaða afleiðingar það getur haft fyrir opinberan aðila ef innkaup eru ekki í samræmi við lögin.

Á námskeiðinu er fjallað um helstu atriði laga um opinber innkaup og er námskeiðið því grundvallarnámskeið fyrir þá sem vinna við opinber innkaup eða tilboðsgerð í opinberum útboðum.
Á námskeiðinu verður m.a. skoðað hvaða hæfiskröfur má gera til fyrirtækja, hvað ber að hafa í tæknilýsingu og hvaða valforsendur eru leyfilegar þegar valið er á milli tilboða. Þá verða mismunandi innkaupaferlar kynntir og hvaða afleiðingar það getur haft fyrir opinberan aðila ef innkaup eru ekki í samræmi við lögin.

Lög um opinber innkaup

Á námskeiðinu læra þátttakendur að skrá á einfaldan hátt yfirlit yfir málþroskaferli tveggja til fimm ára gamalla barna með því að fylla út skráningarlista. Spurningar á skráningarlistanum eru byggðar á niðurstöðum rannsókna um þróun málþroska.
Góður málþroski skiptir miklu máli fyrir almennan þroska. TRAS- efnið var þróað og samið af sérfræðingum í sérkennslu og talmeinafræði í Noregi og er skráningaraðferðin almennt notuð í leikskólum á Norðurlöndunum.
Á námskeiðinu er rætt um mikilvægi þess að leikskólakennarar og annað fagfólk fylgist vel með þróun málþroska og þátttakendur læra að skrá málþroska ungra barna út frá ákveðnum færnisviðum. Einnig er fjallað um helstu frávik í málþroska og ræddar eru hugmyndir um viðeigandi íhlutun og ráðgjöf til foreldra og forráðamanna.

Á námskeiðinu læra þátttakendur að skrá á einfaldan hátt yfirlit yfir málþroskaferli tveggja til fimm ára gamalla barna með því að fylla út skráningarlista. Spurningar á skráningarlistanum eru byggðar á niðurstöðum rannsókna um þróun málþroska.
Góður málþroski skiptir miklu máli fyrir almennan þroska.  TRAS- efnið var þróað og samið af sérfræðingum í sérkennslu og talmeinafræði í Noregi og er skráningaraðferðin almennt notuð í leikskólum á Norðurlöndunum.
Á námskeiðinu er rætt um mikilvægi þess að leikskólakennarar og annað fagfólk fylgist vel með þróun málþroska og þátttakendur læra að skrá málþroska ungra barna út frá ákveðnum færnisviðum. Einnig er fjallað um helstu frávik í málþroska og ræddar eru hugmyndir um viðeigandi íhlutun og ráðgjöf til foreldra og forráðamanna.

TRAS: Skráning á málþroska (réttindanámskeið)

Rekstraráætlun er lykilplagg í stjórnun fyrirtækja – hún endurspeglar markmið eigenda og stjórnenda og þjónar sem áttaviti í daglegri starfsemi. Á þessu námskeiði er farið yfir uppbyggingu og helstu þætti rekstraráætlunarinnar, ásamt því að sýnt er hvernig gervigreind getur stutt við gerð hennar og eflt ákvarðanatöku.
Þátttakendur fá innsýn í hvernig hefðbundnar aðferðir við áætlanagerð má bæta með gervigreindarlausnum sem auðvelda skipulagningu, nákvæmari spár og stöðugt endurmat á forsendum. Einnig verður fjallað um notkun rúllandi áætlana og hvernig þær nýtast í innkaupa- og birgðastýringu.

Rekstraráætlun er lykilplagg í stjórnun fyrirtækja – hún endurspeglar markmið eigenda og stjórnenda og þjónar sem áttaviti í daglegri starfsemi. Á þessu námskeiði er farið yfir uppbyggingu og helstu þætti rekstraráætlunarinnar, ásamt því að sýnt er hvernig gervigreind getur stutt við gerð hennar og eflt ákvarðanatöku.
Þátttakendur fá innsýn í hvernig hefðbundnar aðferðir við áætlanagerð má bæta með gervigreindarlausnum sem auðvelda skipulagningu, nákvæmari spár og stöðugt endurmat á forsendum. Einnig verður fjallað um notkun rúllandi áætlana og hvernig þær nýtast í innkaupa- og birgðastýringu.

Rekstraráætlun - gerð, uppbygging, gervigreind

Á námskeiðinu er farið í grunninn á verkefnastjórnun sem og hvað verkefnastjórnun er og hvar hún getur nýst. Áhersla er á undirbúning og eftirfylgni verkefna til að tryggja árangur. Námskeiðið veitir heildarsýn á uppbyggingu verkefna og hvernig hægt er að beita verkefnastjórnun á lítil sem stór verkefni.

Á námskeiðinu er farið í grunninn á verkefnastjórnun sem og hvað verkefnastjórnun er og hvar hún getur nýst. Áhersla er á undirbúning og eftirfylgni verkefna til að tryggja árangur. Námskeiðið veitir heildarsýn á uppbyggingu verkefna og hvernig hægt er að beita verkefnastjórnun á lítil sem stór verkefni.

Verkefnastjórnun - fyrstu skrefin

Þetta námskeið inniheldur allt sem þú þarft til þess að koma þér af stað með ChatGPT. Námskeiðið er yfirgripsmikið og vandlega hannað af sérfræðingum fyrirtækisins Javelin AI, sem búa að mikilli reynslu í að skapa verðmæti með gervigreind, Sverri Heiðari Davíðssyni, Vagni Margeiri Smelt og Pétri Má Sigurðssyni. Markmið námskeiðsins er að byggja sjálfstraust og sjálfstæði þátttakenda í notkun gervigreindar og opna þar með á ný tækifæri og möguleika í starfi og einkalífi.
Á námskeiðinu er lögð áhersla á að kynna fjölbreyttar leiðir til að nýta ChatGPT. Ekki er kafað djúpt í einstök svið eins og forritun, markaðssetningu eða rannsóknir heldur er lögð áhersla á að gefa þátttakendum góða undirstöðuþekkingu og yfirsýn á möguleikum með ChatGPT í fjölbreyttum verkefnum. Markmiðið er að þátttakendur hafi nægan skilning til að geta yfirfært lærdóminn á eigin verkefni.

Þetta námskeið inniheldur allt sem þú þarft til þess að koma þér af stað með ChatGPT. Námskeiðið er yfirgripsmikið og vandlega hannað af sérfræðingum fyrirtækisins Javelin AI, sem búa að mikilli reynslu í að skapa verðmæti með gervigreind, Sverri Heiðari Davíðssyni, Vagni Margeiri Smelt og Pétri Má Sigurðssyni. Markmið námskeiðsins er að byggja sjálfstraust og sjálfstæði þátttakenda í notkun gervigreindar og opna þar með á ný tækifæri og möguleika í starfi og einkalífi.
Á námskeiðinu er lögð áhersla á að kynna fjölbreyttar leiðir til að nýta ChatGPT. Ekki er kafað djúpt í einstök svið eins og forritun, markaðssetningu eða rannsóknir heldur er lögð áhersla á að gefa þátttakendum góða undirstöðuþekkingu og yfirsýn á möguleikum með ChatGPT í fjölbreyttum verkefnum. Markmiðið er að þátttakendur hafi nægan skilning til að geta yfirfært lærdóminn á eigin verkefni.

Hagnýtar gervigreindarlausnir

Færðu gervigreindarfærni þína á hærra stig! Þetta framhaldsnámskeið kafar dýpra í hagnýtar lausnir og sýnir þér hvernig þú getur nýtt nýjustu tækni til að ná enn meiri árangri og leysa krefjandi verkefni með gervigreind.
Á þessu framhaldsnámskeiði verður farið dýpra í innri virkni gervigreindar með hagnýtingu að leiðarljósi. Lögð er áhersla á hagnýta færni, gagnrýna hugsun og verklegar æfingar. Þátttakendur öðlast dýpri skilning á möguleikum og takmörkunum gervigreindar í gegnum raunhæf dæmi og verkefni.
Áhersla verður fyrst og fremst á ChatGPT en fyrirlestrar munu einnig snerta á öðrum lausnum. Gert er ráð fyrir að þátttakendur séu með ChatGPT áskrift og reynslu af því að nota þjónustuna.

Færðu gervigreindarfærni þína á hærra stig! Þetta framhaldsnámskeið kafar dýpra í hagnýtar lausnir og sýnir þér hvernig þú getur nýtt nýjustu tækni til að ná enn meiri árangri og leysa krefjandi verkefni með gervigreind.
Á þessu framhaldsnámskeiði verður farið dýpra í innri virkni gervigreindar með hagnýtingu að leiðarljósi. Lögð er áhersla á hagnýta færni, gagnrýna hugsun og verklegar æfingar. Þátttakendur öðlast dýpri skilning á möguleikum og takmörkunum gervigreindar í gegnum raunhæf dæmi og verkefni.
Áhersla verður fyrst og fremst á ChatGPT en fyrirlestrar munu einnig snerta á öðrum lausnum. Gert er ráð fyrir að þátttakendur séu með ChatGPT áskrift og reynslu af því að nota þjónustuna.

Hagnýtar gervigreindarlausnir - framhaldsnámskeið

Markmið námskeiðsins er að aðstoða fólk við að undirbúa sig fyrir starfslok og þær breytingar sem verða eftir að störfum lýkur. Með aukinni þekkingu fáum við betri yfirsýn og auðveldara verður að aðlaga sig að breyttu lífsmynstri.
Á námskeiðinu er fjallað um þá möguleika og þá valkosti sem þessi tímamót bjóða upp á. Farið verður, á einföldu og skýru máli, yfir reglur vegna skerðingar hjá Tryggingastofnun, lífeyrisréttindi og séreignarsparnað og þá möguleika sem í boði eru, ásamt því skoða þann sveigjanleika sem er í boði við starfslok.

Markmið námskeiðsins er að aðstoða fólk við að undirbúa sig fyrir starfslok og þær breytingar sem verða eftir að störfum lýkur. Með aukinni þekkingu fáum við betri yfirsýn og auðveldara verður að aðlaga sig að breyttu lífsmynstri.
Á námskeiðinu er fjallað um þá möguleika og þá valkosti sem þessi tímamót bjóða upp á. Farið verður, á einföldu og skýru máli, yfir reglur vegna skerðingar hjá Tryggingastofnun, lífeyrisréttindi og séreignarsparnað og þá möguleika sem í boði eru, ásamt því skoða þann sveigjanleika sem er í boði við starfslok.

Á tímamótum: Fjármál við starfslok

Á þessu námskeiði verða kynnt viðfangsefni réttarlæknisfræði. Dregin verður upp mynd af rannsókn dauðsfalla og réttarlæknisfræðilegu mati á lifandi einstaklingum. Áhersla verður á hagnýt atriði, svo sem túlkun áverka, lífshættu, mat á dánarorsök, líkskoðun og vandamál við greiningar en einnig verður farið í fræðileg atriði til að undirbyggja ofannefnt.
Námskeiðið er ætlað fagfólki innan heilbrigðisgeirans og réttarkerfisins hverra störf hafa snertiflöt við rannsóknir á brotamálum eða aðilum brotamála. Hugtök áverkafræðinnar verða kynnt og valin áverkaferli skoðuð náið með tilliti til kraftgerða.
Þá verður fjallað um það hvað og hvernig lesið er í áverka og hvaða sögu áverkinn segir um atburðinn sem rannsakaður er. Þá er rætt um fyrirbærin: lífshættulegur áverki, lífshættulegt ástand og lífshættulegur gjörningur.
Rætt verður um stöðu læknisins sem hefur með réttarlæknisfræðilegt verkefni að gera, hversu viss er niðurstaðan og hver nýtur vafans? Kynnt verða helstu atriði við rannsókn á dauðsföllum, skilgreiningu dauða og breytingar á líkamanum eftir dauðann. Fjallað verður um ritun dánarvottorðs og vissu við mat á dánarorsök.
Krufningin verður útskýrð; styrkleikar hennar og veikleikar. Fjallað verður um skyndidauða, sjúkdóm og ónáttúruleg dánaratvik. Fjallað verður um kraftbeitingu gegn hálsi og kyrkingu. Réttarlæknisfræðileg líkskoðun og vettvangsvinna verða skoðuð undir hagnýttu sjónarhorni.
Þess skal getið að kennari sýnir myndir til stuðnings máli sínu. Sumar hverjar þessara mynda sýna áverka á fólki og/eða látið fólk. Myndirnar geta vakið óhug.

Á þessu námskeiði verða kynnt viðfangsefni réttarlæknisfræði. Dregin verður upp mynd af rannsókn dauðsfalla og réttarlæknisfræðilegu mati á lifandi einstaklingum. Áhersla verður á hagnýt atriði, svo sem túlkun áverka, lífshættu, mat á dánarorsök, líkskoðun og vandamál við greiningar en einnig verður farið í fræðileg atriði til að undirbyggja ofannefnt.
Námskeiðið er ætlað fagfólki innan heilbrigðisgeirans og réttarkerfisins hverra störf hafa snertiflöt við rannsóknir á brotamálum eða aðilum brotamála. Hugtök áverkafræðinnar verða kynnt og valin áverkaferli skoðuð náið með tilliti til kraftgerða.
Þá verður fjallað um það hvað og hvernig lesið er í áverka og hvaða sögu áverkinn segir um atburðinn sem rannsakaður er. Þá er rætt um fyrirbærin: lífshættulegur áverki, lífshættulegt ástand og lífshættulegur gjörningur.
Rætt verður um stöðu læknisins sem hefur með réttarlæknisfræðilegt verkefni að gera, hversu viss er niðurstaðan og hver nýtur vafans? Kynnt verða helstu atriði við rannsókn á dauðsföllum, skilgreiningu dauða og breytingar á líkamanum eftir dauðann. Fjallað verður um ritun dánarvottorðs og vissu við mat á dánarorsök.
Krufningin verður útskýrð; styrkleikar hennar og veikleikar. Fjallað verður um skyndidauða, sjúkdóm og ónáttúruleg dánaratvik. Fjallað verður um kraftbeitingu gegn hálsi og kyrkingu. Réttarlæknisfræðileg líkskoðun og vettvangsvinna verða skoðuð undir hagnýttu sjónarhorni.
Þess skal getið að kennari sýnir myndir til stuðnings máli sínu. Sumar hverjar þessara mynda sýna áverka á fólki og/eða látið fólk. Myndirnar geta vakið óhug.

Hagnýt réttarlæknisfræði fyrir fagfólk

Á námskeiðinu er fjallað um hversu öflugur hugurinn er til að móta líf okkar og auka hamingju. Markmið námskeiðsins er að þátttakendur öðlist þekkingu og þjálfun í því hvernig þeir geta stjórnað lífi sínu betur og breytt því sem þeir vilja með notkun hugaraflsins.
Við erum flest hver meðvituð um að hugarfarið skiptir miklu máli þegar kemur að líðan en við gerum okkur ekki grein fyrir því hversu mikið hann hefur að segja um hvað gerist í lífi okkar. Hvernig við getum hreinlega kallað til okkar nýja og betri hluti með því að senda frá okkur réttar hugsanir.
Niðurstöður rannsókna í þessum efnum hafa sýnt að það að virkja hugann betur til þess að breyta lífinu og komast upp úr fari stöðnunar og óhamingju felst í því að ná betri stjórn á hvaða skilaboð við sendum frá okkur. Nú þegar eru víða erlendis haldin námskeið sem hjálpa fólki betur að nýta sér þessa ótakmörkuðu auðlind sem við búum öll yfir, en nýtum okkur fæst í þeim mæli sem við getum.
Á námskeiðinu lærir þú að nýta þennan takmarkalausa hæfileika sem við höfum og getur skipt sköpum í lífinu, ef við lærum réttu tæknina og þjálfum okkur í því sem þarf að gera.

Á námskeiðinu er fjallað um hversu öflugur hugurinn er til að móta líf okkar og auka hamingju. Markmið námskeiðsins er að þátttakendur öðlist þekkingu og þjálfun í því hvernig þeir geta stjórnað lífi sínu betur og breytt því sem þeir vilja með notkun hugaraflsins.
Við erum flest hver meðvituð um að hugarfarið skiptir miklu máli þegar kemur að líðan en við gerum okkur ekki grein fyrir því hversu mikið hann hefur að segja um hvað gerist í lífi okkar. Hvernig við getum hreinlega kallað til okkar nýja og betri hluti með því að senda frá okkur réttar hugsanir.
Niðurstöður rannsókna í þessum efnum hafa sýnt að það að virkja hugann betur til þess að breyta lífinu og komast upp úr fari stöðnunar og óhamingju felst í því að ná betri stjórn á hvaða skilaboð við sendum frá okkur. Nú þegar eru víða erlendis haldin námskeið sem hjálpa fólki betur að nýta sér þessa ótakmörkuðu auðlind sem við búum öll yfir, en nýtum okkur fæst í þeim mæli sem við getum.
Á námskeiðinu lærir þú að nýta þennan takmarkalausa hæfileika sem við höfum og getur skipt sköpum í lífinu, ef við lærum réttu tæknina og þjálfum okkur í því sem þarf að gera.

Ný hugsun - Nýtt líf

Farið verður yfir breytingar á skattalögum og reglugerðum sem hafa áhrif á tekjuárinu 2026. Auk þess verður tæpt á þeim breytingum sem hafa áhrif á framtalsgerð 2026 vegna tekna 2025. Ef tilefni gefst verður farið yfir þá úrskurði yfirskattanefndar og/eða dóma sem hafa leitt til breyttrar framkvæmdar á skattalögum.
Fyrst og fremst verður farið yfir breytingar sem gerðar hafa verið á lögum nr. 90/2003, um tekjuskatt og á lögum nr. 50/1988, um virðisaukaskatt. Enn fremur verður farið yfir breytingar sem gerðar hafa verið á: i) lögum um staðgreiðslu opinberra gjalda, nr. 45/1987, ii) lögum um staðgreiðslu skatts á fjármagnstekjur og iii) lögum um tryggingagjald. Auk þess verður farið yfir þær breytingar sem orðið hafa á reglugerðum eða öðrum framkvæmdareglum vegna tekna ársins 2025, undir þetta fellur t.d. skattmat 2025. Ef einhverjir úrskurðir yfirskattanefndar og/eða dómar á árinu 2025 hafa leitt til þess að framkvæmd skattalaga breytist verður einnig farið yfir þá.

Farið verður yfir breytingar á skattalögum og reglugerðum sem hafa áhrif á tekjuárinu 2026. Auk þess verður tæpt á þeim breytingum sem hafa áhrif á framtalsgerð 2026 vegna tekna 2025. Ef tilefni gefst verður farið yfir þá úrskurði yfirskattanefndar og/eða dóma sem hafa leitt til breyttrar framkvæmdar á skattalögum.
Fyrst og fremst verður farið yfir breytingar sem gerðar hafa verið á lögum nr. 90/2003, um tekjuskatt og á lögum nr. 50/1988, um virðisaukaskatt. Enn fremur verður farið yfir breytingar sem gerðar hafa verið á: i) lögum um staðgreiðslu opinberra gjalda, nr. 45/1987, ii) lögum um staðgreiðslu skatts á fjármagnstekjur og iii) lögum um tryggingagjald. Auk þess verður farið yfir þær breytingar sem orðið hafa á reglugerðum eða öðrum framkvæmdareglum vegna tekna ársins 2025, undir þetta fellur t.d. skattmat 2025. Ef einhverjir úrskurðir yfirskattanefndar og/eða dómar á árinu 2025 hafa leitt til þess að framkvæmd skattalaga breytist verður einnig farið yfir þá.

Skattalagabreytingar 2026

Námskeiðið er styrkhæft hjá Kennarasambandi Íslands
Gervigreind er mikið í umræðunni og sífellt fleiri nýta hana í daglegu lífi og starfi – menntakerfið er þar engin undantekning. 
Á þessu námskeiði lærir þú um gervigreind og hvernig þú getur nýtt hana í kennslu á skapandi, ábyrgan og árangursríkan hátt. Kennslan er hagnýt og lögð er rík áhersla á samvinnu og samstarf. Þú kynnist verkfærum sem einfalda undirbúning, kennslu og námsmat, sem styður við markvissa og skapandi kennsluhætti.
Þátttakendur kynnast skapandi gervigreind (e. generative AI) á borð við ChatGPT og hvernig þeir geta eflt eigið gervigreindarlæsi til þess að hámarka notagildi gervigreindar í eigin kennslu og starfi en einnig hvernig þeir geta eflt gervigreindarlæsi nemenda sinna. 
Námskeiðið byggir á stuttum erindum kennara með hagnýtum dæmum. Þátttakendur spreyta sig einnig á verkefnum tengdum notkun gervigreindar í námi og kennslu bæði ein og í hópum undir handleiðslu kennara.

Námskeiðið er styrkhæft hjá Kennarasambandi Íslands
Gervigreind er mikið í umræðunni og sífellt fleiri nýta hana í daglegu lífi og starfi – menntakerfið er þar engin undantekning. 
Á þessu námskeiði lærir þú um gervigreind og hvernig þú getur nýtt hana í kennslu á skapandi, ábyrgan og árangursríkan hátt. Kennslan er hagnýt og lögð er rík áhersla á samvinnu og samstarf. Þú kynnist verkfærum sem einfalda undirbúning, kennslu og námsmat, sem styður við markvissa og skapandi kennsluhætti.
Þátttakendur kynnast skapandi gervigreind (e. generative AI) á borð við ChatGPT og hvernig þeir geta eflt eigið gervigreindarlæsi til þess að hámarka notagildi gervigreindar í eigin kennslu og starfi en einnig hvernig þeir geta eflt gervigreindarlæsi nemenda sinna. 
Námskeiðið byggir á stuttum erindum kennara með hagnýtum dæmum. Þátttakendur spreyta sig einnig á verkefnum tengdum notkun gervigreindar í námi og kennslu bæði ein og í hópum undir handleiðslu kennara.

Gervigreind fyrir kennara

ATH - Tvær tímasetningar í boði:Þriðjudagskvöld, 27. janúar - 17. mars, kl. 19:30 - 21:30Miðvikudagskvöld, 28. janúar - 18. mars, kl. 10:00 - 12:00Grettir Ásmundarson hefur löngum verið Íslendingum hugleikinn. Hann á stóran sess í þjóðtrúnni og mörg merkustu skáld þjóðarinnar hafa leitast við að skilja eðli þessa útlæga ógæfumanns og skírskotun hans til þjóðarsálarinnar. Fyrir Matthíasi Jochumssyni var Grettir táknmynd Íslendinga eins og segir í Grettisljóðum: „Þú ert Grettir, þjóð mín“.Gleggstu myndina, og jafnframt þá margræðustu, fáum við í Grettis sögu sem er ein lengsta og merkasta saga sem samin var hérlendis á miðöldum. Sagan hefur verið talin frá byrjun 14. aldar en gæti verið allt að því heilli öld yngri, því elstu handrit hennar eru frá því í byrjun 15. aldar. Hvort heldur sem er, þá er hún í hópi yngstu Íslendingasagna. Hún er því í senn afurð sígildrar sagnaritunar 13. aldar, afkvæmi verka eins og Egils sögu og Brennu-Njáls sögu, en um leið vísar hún veginn inn í annars konar bókmenntir, þar sem hið yfirnáttúrulega skipar stærri sess og gegnir öðru hlutverki en í fyrri sögum.

ATH - Tvær tímasetningar í boði: <a href="https://endurmenntun.is/namskeid/19913/grettis-saga-asmundarsonar/356929" target="_blank" rel="noopener">Þriðjudagskvöld, 27. janúar - 17. mars, kl. 19:30 - 21:30</a> <a href="https://endurmenntun.is/namskeid/19913/grettis-saga-asmundarsonar/356932">Miðvikudagskvöld, 28. janúar - 18. mars, kl. 10:00 - 12:00</a> Grettir Ásmundarson hefur löngum verið Íslendingum hugleikinn. Hann á stóran sess í þjóðtrúnni og mörg merkustu skáld þjóðarinnar hafa leitast við að skilja eðli þessa útlæga ógæfumanns og skírskotun hans til þjóðarsálarinnar. Fyrir Matthíasi Jochumssyni var Grettir táknmynd Íslendinga eins og segir í Grettisljóðum: „Þú ert Grettir, þjóð mín“. Gleggstu myndina, og jafnframt þá margræðustu, fáum við í Grettis sögu sem er ein lengsta og merkasta saga sem samin var hérlendis á miðöldum. Sagan hefur verið talin frá byrjun 14. aldar en gæti verið allt að því heilli öld yngri, því elstu handrit hennar eru frá því í byrjun 15. aldar. Hvort heldur sem er, þá er hún í hópi yngstu Íslendingasagna. Hún er því í senn afurð sígildrar sagnaritunar 13. aldar, afkvæmi verka eins og Egils sögu og Brennu-Njáls sögu, en um leið vísar hún veginn inn í annars konar bókmenntir, þar sem hið yfirnáttúrulega skipar stærri sess og gegnir öðru hlutverki en í fyrri sögum.

Grettis saga Ásmundarsonar

Langar þig að skilja hvernig evrópuréttur tengist íslenskum lögum og hvernig þú getur beitt þeim reglum í þínu starfi? Þetta námskeið er hannað fyrir lögfræðinga sem vilja öðlast grunnskilning á EES-rétti og fá tæki og tól til að nýta hann í framkvæmd.
Námskeiðið veitir hagnýta og aðgengilega innsýn í hvernig evrópuréttur, í gegnum EES-samninginn, verður hluti af íslenskum rétti og hvernig íslenskir lögfræðingar geta leitað réttarheimilda og beitt þeim. Fjallað er um grundvallaratriði EES-réttar, muninn á ESB og EES, innleiðingarferli ESB-gerða í íslenskan rétt, og hvernig má vinna með EES-gerðir í lögfræðilegri greiningu.
Að loknu námskeiði ættu þátttakendur að hafa raunhæfar væntingar um að geta unnið með reglur evrópuréttar og vita hvar megi nálgast þær.

Langar þig að skilja hvernig evrópuréttur tengist íslenskum lögum og hvernig þú getur beitt þeim reglum í þínu starfi? Þetta námskeið er hannað fyrir lögfræðinga sem vilja öðlast grunnskilning á EES-rétti og fá tæki og tól til að nýta hann í framkvæmd.
Námskeiðið veitir hagnýta og aðgengilega innsýn í hvernig evrópuréttur, í gegnum EES-samninginn, verður hluti af íslenskum rétti og hvernig íslenskir lögfræðingar geta leitað réttarheimilda og beitt þeim. Fjallað er um grundvallaratriði EES-réttar, muninn á ESB og EES, innleiðingarferli ESB-gerða í íslenskan rétt, og hvernig má vinna með EES-gerðir í lögfræðilegri greiningu.
Að loknu námskeiði ættu þátttakendur að hafa raunhæfar væntingar um að geta unnið með reglur evrópuréttar og vita hvar megi nálgast þær.

Praktískur evrópuréttur fyrir lögfræðinga

Á þessu námskeiði er fjallað um gerð lagafrumvarpa, undirbúning þeirra, hvernig gæði eru tryggð og eftirlitshlutverk umboðsmanns Alþingis.
Markmið námskeiðsins er að veita innsýn í gerð lagafrumvarpa og annarra stjórnvaldsfyrirmæla, eins og reglugerða, eins og við getur átt. Farið er yfir það hvernig löggjöf er undirbúin í ráðuneytum eða á þeirra vegum í samræmi við íslenska lagahefð og alþjóðlegar skuldbindingar. Einnig er fjallað um hvernig reynt er að tryggja gæði lagasetningar hjá stjórnvöldum, m.a. með áformum, samráði og mati á áhrifum, þar á meðal á ríkissjóð, sveitarfélög og jafnrétti. Fjallað er um hlutverk Alþingis og meðferð mála þar og eftirlitshlutverk umboðsmanns Alþingis.

Á þessu námskeiði er fjallað um gerð lagafrumvarpa, undirbúning þeirra, hvernig gæði eru tryggð og eftirlitshlutverk umboðsmanns Alþingis.
Markmið námskeiðsins er að veita innsýn í gerð lagafrumvarpa og annarra stjórnvaldsfyrirmæla, eins og reglugerða, eins og við getur átt. Farið er yfir það hvernig löggjöf er undirbúin í ráðuneytum eða á þeirra vegum í samræmi við íslenska lagahefð og alþjóðlegar skuldbindingar. Einnig er fjallað um hvernig reynt er að tryggja gæði lagasetningar hjá stjórnvöldum, m.a. með áformum, samráði og mati á áhrifum, þar á meðal á ríkissjóð, sveitarfélög og jafnrétti. Fjallað er um hlutverk Alþingis og meðferð mála þar og eftirlitshlutverk umboðsmanns Alþingis.

Lagasetning: Undirbúningur, gæði og eftirlit

Kynheilbrigði fatlaðs fólks: Hvernig styðjum við örugga og opna umræðu.
Á námskeiðinu fær starfsfólk fræðslu og hagnýt verkfæri til að taka faglegar, virðingarfullar og opnar umræður við fatlað fólk um kynheilbrigði. Fatlað fólk hefur sama rétt og aðrir til kynlífs, sjálfsfróunar, nándar og sambanda. Þrátt fyrir það hefur umræðan oft verið tabú eða hreinlega gleymst í þjónustu og daglegu starfi. Afleiðingin getur verið skortur á fræðslu, óöryggi, skömm og rangar eða óraunhæfar hugmyndir um kynlíf og sambönd.
Námskeiðið byggir á mannréttindum fatlaðs fólks og hvernig starfsfólk getur skapað örugg rými þar sem einstaklingar fá fræðslu, stuðning og tækifæri til að læra um eigið kynheilbrigði. Lögð er áhersla á einfalt og rétt orðaval, að nota fræðileg heiti yfir líkamshluta og kynfæri, og að ræða málin á jafningjagrundvelli án þess að tala niður til fólks.
Einnig verður fjallað um mikilvægi einkarýmis, mörk, samþykki og hreinlæti. Sérstök áhersla er á hvernig starfsfólk getur komið í veg fyrir skömm, vanlíðan og óöryggi – og í staðinn skapað traust, öryggi og heilbrigða umræðu.
Að loknu námskeiði er starfsfólk betur í stakk búið til að ræða kynheilbrigði og hreinlæti sem eðlilegan hluta líkamsþroska, forðast fordóma og tabú, og styðja einstaklinga við að byggja upp jákvæða og virðingarfulla sjálfsmynd.

Kynheilbrigði fatlaðs fólks: Hvernig styðjum við örugga og opna umræðu.
Á námskeiðinu fær starfsfólk fræðslu og hagnýt verkfæri til að taka faglegar, virðingarfullar og opnar umræður við fatlað fólk um kynheilbrigði. Fatlað fólk hefur sama rétt og aðrir til kynlífs, sjálfsfróunar, nándar og sambanda. Þrátt fyrir það hefur umræðan oft verið tabú eða hreinlega gleymst í þjónustu og daglegu starfi. Afleiðingin getur verið skortur á fræðslu, óöryggi, skömm og rangar eða óraunhæfar hugmyndir um kynlíf og sambönd.
Námskeiðið byggir á mannréttindum fatlaðs fólks og hvernig starfsfólk getur skapað örugg rými þar sem einstaklingar fá fræðslu, stuðning og tækifæri til að læra um eigið kynheilbrigði. Lögð er áhersla á einfalt og rétt orðaval, að nota fræðileg heiti yfir líkamshluta og kynfæri, og að ræða málin á jafningjagrundvelli án þess að tala niður til fólks.
Einnig verður fjallað um mikilvægi einkarýmis, mörk, samþykki og hreinlæti. Sérstök áhersla er á hvernig starfsfólk getur komið í veg fyrir skömm, vanlíðan og óöryggi – og í staðinn skapað traust, öryggi og heilbrigða umræðu.
Að loknu námskeiði er starfsfólk betur í stakk búið til að ræða kynheilbrigði og hreinlæti sem eðlilegan hluta líkamsþroska, forðast fordóma og tabú, og styðja einstaklinga við að byggja upp jákvæða og virðingarfulla sjálfsmynd.