Félagsvísindasvið Háskóla Íslands

Verkefnisstjóri í nemenda- og kennsluþjónustu

Laust er til umsóknar fullt starf verkefnisstjóra í Nemenda- og kennsluþjónustu Félagsvísindasviðs Háskóla Íslands. Nemenda- og kennsluþjónusta Félagsvísindasviðs veitir heildstæða þjónustu og ráðgjöf til nemenda, kennara og deilda sviðsins er varðar nám og kennslu.

Helstu verkefni og ábyrgð

Þjónusta við nemendur og kennara sviðsins
Tengiliður milli Nemenda- og kennsluþjónustu og deilda Félagsvísindasviðs
Þjónusta við deildir vegna prófa, kennsluskrár, skiptináms og annarra verkefna
Viðvera á Þjónustutorgi í Gimli
Þverfagleg teymisvinna innan sviðsins sérstaklega við rafrænt prófahald
Miðlun upplýsinga til nemenda á innri vef m.a. á ensku

Menntunar- og hæfniskröfur

Háskólapróf sem nýtist í starfi
Rík þjónustulund, sveigjanleiki og hæfni í mannlegum samskiptum
Góð færni til þess að tileinka sér nýja tækni
Gott vald á ensku og íslensku, bæði í rituðu og töluðu máli
Frumkvæði og sjálfstæð og nákvæm vinnubrögð
Reynsla af sambærilegum verkefnum er kostur

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir

Advertisement published21. May 2026

Application deadline1. June 2026

Language skills