Vistor

Sviðsstjóri viðskiptaþróunar og greiningar

Ert þú kraftmikill leiðtogi með góða innsýn og brennandi áhuga á viðskiptaþróun og greiningum og vilt starfa hjá leiðandi fyrirtæki á sínu sviði?

Við leitum að metnaðarfullum og framsýnum stjórnanda til að leiða ört stækkandi svið innan Vistor. Starfsemin felur í sér rekstrargreiningar, öflun nýrra viðskiptasambanda, stafræna markaðssetningu og greiningar tengdar heilsuhagfræði. Um er að ræða spennandi tækifæri fyrir einstakling með sterka leiðtogahæfileika, hæfni til að byggja upp jákvæða vinnustaðamenningu og skarpa sýn á tæknivæðingu og stafrænar framfarir.

Helstu verkefni og ábyrgð

Leiða teymi sérfræðinga og stuðningur við starfsfólk
Ábyrgð á sölu- og rekstrargreiningum og áætlanagerð
Greina tækifæri, vinna að öflun nýrra viðskiptasambanda og samninga við erlenda birgja
Leiða uppbyggingu á frekari nýtingu stafrænna miðla í markaðs- og sölustarfi ásamt heilsuhagfræðilegum greiningum
Innleiða tækninýjungar og framfaraverkefni, þar á meðal nýtingu gervigreindar og annarra lausna til að bæta vinnulag og ákvarðanatöku
Seta í stjórnendateymi Vistor og þátttaka í stefnumótandi verkefnum

Menntunar- og hæfniskröfur

Háskólamenntun á sviði viðskipta, verkfræði, raunvísinda eða önnur menntun sem nýtist í starfi
Framúrskarandi samskiptahæfni og færni til að leiða teymi til árangurs
Tæknileg þekking og hæfni til að innleiða nýjungar og nýta stafrænar lausnir
Hugmyndaauðgi og metnaður til að ná árangri í starfi
Frumkvæði, drifkraftur og skipulagshæfni
Hæfni til að tileinka sér og innleiða tækninýjungar
Þekking á lyfjamarkaði og íslenska heilbrigðiskerfinu er kostur
Mjög gott vald á íslensku og ensku í ræðu og riti. Þekking á Norðurlandatungumáli er kostur

Fríðindi í starfi

Hollur og góður morgun- og hádegisverður
Aðgangur að sund- og líkamsræktarstöð
Niðurgreiðsla á sálfræðiþjónustu
Heilsuræktarstyrkur
Samgöngustyrkur

Umsóknarfrestur er til og með 16. nóvember 2025.

Umsókn skal fylgja ítarleg ferilskrá ásamt kynningarbréfi þar sem fram koma ástæður þess að sótt er um starfið.

Nánari upplýsingar veita Arnar Þórðarson framkvæmdastjóri Vistor, [email protected] og Pétur Veigar Pétursson mannauðsstjóri, [email protected].

Vistor ehf. er leiðandi fyrirtæki á sviði markaðssetningar á lyfjum, heilsuvörum og dýraheilbrigðisvörum á Íslandi. Fyrirtækið er samstarfsaðili fjölmargra alþjóðlegra lyfjafyrirtækja og veitir þeim þjónustu við sölu- og markaðsmál, skráningar, klínískar rannsóknir, auk þess að hafa milligöngu um innflutnings- og dreifingarstarfsemi.

Advertisement published8. November 2025

Application deadline16. November 2025

Language skills