Isavia Innanlandsflugvellir

Isavia Innanlandsflugvellir er dótturfyrirtæki Isavia ohf. Hlutverk félagsins er að reka alla áætlunarflugvelli á Íslandi utan Keflavíkurflugvallar auk fjölda lendingarstaða. Starfsemi fyrirtækisins er mjög fjölbreytt. Við sinnum almennri flugvallarþjónustu, flugumferðarþjónustu, flugvernd, umsjón með verklegum framkvæmdum auk öryggis- og gæðamála. Hjá fyrirtækinu vinnur samhentur hópur sem hefur það að markmiði að halda Íslandi á lofti og vera hluti af góðu ferðalagi.

About

Mannauðs- og þjálfunarstjóri

Við hjá Isavia Innanlandsflugvöllum erum að leita að reyndum, metnaðafullum og árangursdrifnum einstaklingi til að sinna daglegri umsjón á mannauðs- og þjálfunarmálum hjá okkur. Um er að ræða nýja stöðu sem heyrir beint undir framkvæmdastjóra og eru tækifæri til að hafa áhrif á að móta starfið. Helstu verkefni snúa að skipulagningu og framkvæmd mannauðs- og þjálfunarmála innan Isavia Innanlandsflugvalla. Um er að ræða krefjandi og fjölbreytt starf í líflegu starfsumhverfi.

Helstu verkefni og ábyrgð

Veita stjórnendum ráðgjöf í mannauðsmálum og starfsþróun
Vinna að verkefnum tengd vellíðan starfsfólks, jafnrétti, vinnuvernd og öryggismenningu
Mæla árangur og setja fram umbótatillögur á sviði mannauðs og þjálfunar
Greina þjálfunar- og þróunarþarfir í samstarfi við Isaviaskólann, stjórnendur og starfsfólk
Skipuleggja, samhæfa og fylgja eftir innri og ytri fræðslu og þjálfun

Menntunar- og hæfniskröfur

Háskólamenntun á sviði mannauðsmála, sálfræði, viðskiptafræði eða öðrum tengdum greinum. Framhaldsmenntun er æskileg.
Góð reynsla af mannauðsmálum er skilyrði
Frumkvæði, fagmennska og skipulagshæfni
Framsýni og umbótahugsun
Lipurð í samskiptum
Íslenskukunnátta er skilyrði

Fríðindi í starfi

Við bjóðum upp á hollan og góðan mat í mötuneytum okkar og allt starfsfólk hefur aðgang að heilsu- og líkamsræktarstöðvum sér að kostnaðarlausu.

Umsóknarfrestur er til og með 16. nóvember 2025.

Frekari upplýsingar um starfið veita Sigrún Björk Jakobsdóttir, framkvæmdarstjóri, í gegnum netfangið [email protected] og Brynjar Már Brynjólfsson, mannauðsstjóri Isavia ohf., í gegnum netfangið [email protected]

Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið.

Við hvetjum áhugasöm, án tillits til kyns og uppruna, til að sækja um.

Starfsmenn Isavia Innanlandsflugvalla þurfa að standast bakgrunnsathugun lögreglu. Jákvæð bakgrunnsathugun og hreint sakavottorð er því forsenda starfs hjá félaginu.

Advertisement published5. November 2025

Application deadline16. November 2025

Language skills