Mosfellsbær

Mosfellsbær er sjöunda stærsta bæjarfélag á Íslandi með rúmlega 14.000 íbúa. Sveitarfélagið er staðsett í útjaðri höfuðborgarsvæðisins. Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi. Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi. Hjá Mosfellsbæ starfa um 1200 starfsmenn. Fjölskylduvæn og sveigjanleg mannauðsstefna styður við þá hugmyndafræði að Mosfellsbær sé eftirsóknarverður vinnustaður þar sem atvinna og fjölskylduábyrgð fara saman. Mosfellsbær er heilsueflandi samfélag sem miðar að því að þróa samfélagslegan ramma utan um markvissa og heildræna heilsueflingu, en verkefninu er ætlað að ná til allra aldurshópa í samfélaginu, bæði íbúa og starfsmanna.

About

Innkaupa- og rekstrarsérfræðingur hjá Mosfellsbæ

Mosfellsbær leitar að framsæknum, metnaðarfullum og talnaglöggum aðila með brennandi áhuga á innkaupum og hagkvæmum rekstri.

Helstu verkefni og ábyrgð

· Ráðgjöf og aðstoð við svið og stofnanir vegna innkaupa- og útboðsmála.

· Greining, ráðgjöf og upplýsingagjöf um rekstur og fjárfestingar.

· Umsjón með fjárhagslegum mælaborðum, eftirfylgni með mælikvörðum og tekjum.

· Skipulagning og gerð innkaupaferla og eftirfylgni með innkaupareglum.

· Umsjón með rammasamningum og miðlægum útboðum.

· Greining, samræming innkaupa og þarfagreiningar.

· Aðstoð við undirbúning fjárhagsáætlunar.

Menntunar- og hæfniskröfur

· Háskólamenntun sem nýtist í starfi er skilyrði s.s. í viðskiptum, hagfræði eða verkfræði.

· Meistaragráða sem nýtist í starfi er kostur.

· Mjög góð tölvukunnátta og færni í Excel er skilyrði.

· Góð þekking og reynsla af Dynamics BC (NAV) eða sambærilegum kerfum er kostur.

· Reynsla af sambærilegum verkefnum og verkefnastjórnun er kostur.

· Færni í mannlegum samskiptum, jákvætt viðhorf og lausnamiðuð hugsun.

· Metnaður til að ná árangri í starfi og innleiða nýjungar.

· Frumkvæði, sjálfstæði, útsjónarsemi, skipulagshæfni og geta til að stýra verkefnum.

· Nákvæmni í vinnubrögðum, talnagleggni og gott vald á framsetningu gagna.

· Góð íslenskukunnátta er nauðsynleg.

Fjármála- og áhættustýringarsvið Mosfellsbæjar fer með fjármála- og áhættustjórnun sveitarfélagsins og sinnir miðlægri þjónustu við svið, deildir og stofnanir bæjarins. Sviðið annast reikningshald og bókhald, gerð árshlutauppgjöra og ársreiknings, yfirumsjón með fjárhagsáætlun, fjárstýringu, lánastýring, umsjón með gjaldskrám, rekstrareftirlit, ráðgjöf og stuðning við innkaup og eftirlit með fjárhagstengdum samningum ásamt fjárhagslegu áhættumati. Starfsemi sviðsins skiptist í þrjár einingar sem eru reikningshald, fjárreiður og hag- og áætlunardeild.

Umsóknarfrestur er til og með 8. júní 2026.

Umsókn um starfið skal skilað gegnum www.alfred.is og þarf henni að fylgja starfsferilskrá og kynningarbréf (hvort tveggja á íslensku) þar sem gerð er grein fyrir ástæðu umsóknar og hæfni umsækjanda sem nýtist í starfi.

Upplýsingar um starfið veitir Pétur J. Lockton, sviðsstjóri fjármála- og áhættustýringarsviðs Mosfellsbæjar á netfangið [email protected].

Mosfellsbær leggur áherslu á jafnrétti og hvetur öll áhugasöm til að sækja um starfið, óháð kyni, fötlun eða menningarlegum bakgrunni.

Advertisement published21. May 2026

Application deadline8. June 2026

Language skills